ՌԴ-ն անհրաժեշտ է համարում Եվրասիական տնտեսական միության հետ Ուզբեկստանի կապերի խորացումը հետագա համատեղ աշխատանքի համար, դա հզոր ազդակ կհաղորդի ուղիղ կոոպերացիոն կապերին, ասել է ՌԴ վարչապետ Միխայիլ Միշուստինը Սամարղանդի ռուս-ուզբեկական բիզնես-համաժողովում:
Ռուսաստանն անհրաժեշտ է համարում խորացնել Ուզբեկստանի եւ ԵԱՏՄ-ի կապերը. Միշուստին
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ։ Այս մասին հայտնում է News.am-ը։
«Հետագա համատեղ աշխատանքի համար անհրաժեշտ ենք համարում խորացնել Ուզբեկստանի կապերը Եվրասիական տնտեսական միության հետ։ Շուկայի տարողունակությամբ, արդյունաբերական եւ գյուղատնտեսական պոտենցիալով, փոխադարձ միահյուսված տնտեսություններով Միությունը մտնում է առաջատար տարածաշրջանային ինտեգրացիոն միավորումների մեջ։ Այն մոտ 190 մլն սպառող ունի»,- ասել է Միշուստինը։
Ռուսաստանի վարչապետն ընդգծել է, որ Ուզբեկստանին դիտորդ պետության կարգավիճակ տալու որոշումը հանրապետության առջեւ հետագա տնտեսական աճի նոր հորիզոններ է բացել։
Իսկ ԵԱՏՄ-ին լիարժեք անդամակցությունը հզոր ազդակ կհաղորդի ուղիղ կոոպերացիոն կապերի զարգացման համար փոխգործակցության նոր ուղղություններում։ Եվ եւս մեկ կարեւոր պահ»,- ավելացրել է Միշուստինը։
Մասնավորապես, նրա խոսքով՝ Միությունում հետաքրքրված են այն բանով, որ երաշխավորվի ուզբեկական ապրանքների համապատասխանությունը եվրասիական բարձր չափորոշիչներին։ Դա կարեւոր է չորս հիմնական ազատությունների՝ ապրանքների, ծառայությունների, կապիտալի եւ աշխատուժի շարժի իրականացման համար։
«Մեր պետությունների ղեկավարները՝ Վլադիմիր Պուտինը եւ Շավքաթ Միրզիյոյեւը, խնդիր են դրել մեծացնել ապրանքաշրջանառությունը՝ հասցնելով տասը մլրդ դոլարի։ Կարծում եմ, որ բիզնեսի գաղափարները, փոխշահավետ գործարքները եւ նախագծերը կօգնեն հասնել այդքան հավակնոտ նպատակների իրականացմանը։ Ռուսաստանի եւ Ուզբեկստանի կառավարություններն առավելագույն աջակցություն կցուցաբերեն գործարար շրջանակների նախաձեռնություններին»,- ընդգծել է Միշուստինը։
