Իսպանացի պատգամավոր Ջոն Ինարիտուն, որը ժամանել է Հայաստան, կոչ է արել միջազգային հանրությանը ստիպել Ադրբեջանի ԶՈւ–ին լքել հայկական ինքնիշխան տարածքները։
Կոչ եմ անում ստիպել Ադրբեջանին դուրս գալ ՀՀ տարածքից. իսպանացի պատգամավորի ուղերձը Սոթքից
ՍՏԵՓԱՆԱԿԵՐՏ, 3 դեկտեմբերի, ԱՐՑԱԽՊՐԵՍ: Ինարիտուն Սոթք համայնքից արված տեսանյութ-ուղերձ է հրապարակել իր թվիթերյան էջում։
«Մենք Սոթքում ենք։ Այս ամբողջ շրջանը ռմբակոծվել է Ադրբեջանի կողմից սեպտեմբերին, ինչը հանգեցրել է քաղաքացիական բնակչության շրջանում զոհերի և հարյուրավոր տների ավերման։ Ուստի կոչ եմ անում միջազգային հանրությանը գործել և ստիպել Ադրբեջանին` հարգել խաղաղության օրակարգը»,–ասում է Ինարիտուն։
Հավելենք, որ Ինարիտուն երկօրյա այցով էր ՀՀ եկել։ Նա եղել է նաև Ջերմուկում։
