Artsakhpress

Քաղաքական

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում

Այստեղ՝ այս դատարանում հանդես եմ գալիս որպես վերջին միջոց։ Եթե դատարանն անհապաղ միջոցներ չձեռնարկի, ԼՂ հայերն անհնարին ընտրության առաջ կկանգնեն՝ թողնել իրենց պապենական տները, կամ մնալ այնտեղ և սովամահ լինել:

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում
ՍՏԵՓԱՆԱԿԵՐՏ, 30 հունվարի, ԱՐՑԱԽՊՐԵՍ: Այս մասին ՄԱԿ-ի Արդարադատության միջազգային դատարանում (ICJ) Հայաստանն ընդդեմ Ադրբեջանի գործով բանավոր լսումների ժամանակ ահազանգեց ՄԱԿ-ի դատարանում ՀՀ-ի ներկայացուցիչ Եղիշե Կիրակոսյանը։

Նա, դիմելով դատարանին, ասաց․ «Մենք ձեզ մոտ թեթև սրտով չենք գալիս և հույս ունենք, որ մեր խնդրանքում արծարծված հարցերը վաղուց պետք է, որ լուծված լինեին ՄԱԿ-ի Անվտանգության խորհրդի միջամտությամբ՝ 2022-ի դեկտեմբերի 20-ին, ինչպես նաև երկկողմ փոխանակումների և նամակների միջոցով»։ Եղիշե Կիրակոսյանի վստահեցմամբ՝ Ադրբեջանի գործողությունները ցույց են տալիս, որ նա հաստատակամ է ԼՂ հայերին ոչնչացնելու՝ իր մտադրության հարցում։ Նա հիշեցրեց, որ արդեն մեկ հոգի մահացել է բուժօգնության բացակայության պատճառով, շատ այլ մարդիկ այդ բախտին արժանանալու ռիսկի տակ են, խանութների դարակները դատարկ են, սնունդը քարտերով է բաշխվում, կա դեղամիջոցների և բժշկական պարագաների պակաս, գազամատակարարումն ամբողջովին դադարեցվում է, էլցանցի բեռնվածությունը հանգեցնում է կրկնվող և երկարաժամկետ անջատումների, դպրոցներն ու մանկապարտեզներն ամբողջովին փակ են, երեխաները բաժանվել են իրենց ընտանիքներից հիսուն օր շարունակ։ Սակայն ցավով նշեց, որ ի հեճուկս այս ճգնաժամի՝ Ադրբեջանը փորձում է արդարացնել իր շրջափակումը բնապահպանական հորինվածքներով՝ չկատարելով նաև նոյեմբերի 9-ի հայտարարությամբ իր ստանձնած պարտավորությունները անգամ միասնական միջազգային դատապարտման լույսի ներքո։

Եղիշե Կիրակոսյանը փաստեց, որ Ադրբեջանը նաև անտեսում է ՄԻԵԴ-ի որոշումը՝ հանգեցնելով նրան, որ ՄԻԵԴ-ն արտակարգ քայլեր ձեռնարկի Ադրբեջանի անհամապատասխանությունը զեկուցել ԵԽ նախարարների կոմիտեին։
Ուստի Եղիշե Կիրակոսյանը փաստեց՝ այս դատարանում ՀՀ-ն հանդես է գալիս որպես վերջին միջոց։ Եղիշե Կիրակոսյանը, հիշեցնելով Ադրբեջանի նախագահ Իլհամ Ալիևի հայտարարությունները, վստահեցրեց՝ Ադրբեջանի հիմնական նպատակը հայերին ԼՂ-ից վտարելն է։ Եղիշե Կիրակոսյանը նշեց․ «Գազամատակարարման և էլեկտրաէներգիայի դադարեցումները հենց այդ արդյունքին են հանգեցնելու։ Ըստ Ալիևի խոսքերի՝ եթե ինչ-որ մեկը չի ցանկանում իրենց քաղաքացին դառնալ, կարող է գնալ կամ կարող է ինքնուրույն մեկնել․ ոչ մեկը նրան չի կանգնեցնի։ Այլ կերպ ասած՝ ծագումով հայերը չեն կարող մուտք գործել ԼՂ, բայց կարող են դուրս գալ այստեղից։ Այսօրինակ աղաղակող էթնիկ զտման գործողությունները մեր օրերում տեղ չունեն, և այս դատարանը մեր վերջին հույսն է ԼՂ-ի հայերի համար»։

     

Քաղաքական

Ադրբեջանը ծրագրում է վերացնել հայերի ներկայության բոլոր ֆիզիկական նշանները ԼՂ-ում. ՄԱԿ-ի զեկուցող

Շվեյցարիայում Հայաստանի դեսպանությունը, որը նաև Ժնևի ՄԱԿ-ի գրասենյակում մշտական ներկայացուցչությունն է, հրապարակել է ՄԱԿ-ի մշակութային իրավունքների հարցերով հատուկ զեկուցողի հաղորդագրությունը Լեռնային Ղարաբաղի մշակութային և կրոնական նշանակալի վայրերի վիճակի մասին։

Բաքուն խոչընդոտներ չի տեսնում Երևանի հետ «խաղաղության պայմանագրի» ստորագրման համար․ Սահիբա Գաֆարովա

Բաքուն խոչընդոտներ չի տեսնում Երեւանի հետ «խաղաղության պայմանագրի» ստորագրման համար։

Արարատ Միրզոյանը և Լարս Լոկե Ռասմուսենը քննարկել են երկկողմ և տարածաշրջանային օրակարգի հարցեր

Նոյեմբերի 30-ին Սկոպիեում ՀՀ ԱԳ նախարար Արարատ Միրզոյանը հանդիպում է ունեցել Դանիայի Թագավորության ԱԳ նախարար Լարս Լոկե Ռասմուսենի հետ։

Արմեն Գրիգորյանն աշխատանքային այցով կմեկնի Վաշինգտոն

Դեկտեմբերի 2-ին ՀՀ ԱԽ քարտուղար Արմեն Գրիգորյանն աշխատանքային այցով կմեկնի Ամերիկայի Միացյալ Նահանգների մայրաքաղաք Վաշինգտոն, որի ընթացքում նախատեսվում է քննարկել ՀՀ-ԱՄՆ երկկողմ հարաբերությունների զարգացման օրակարգը:

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ադրբեջանն աղբակույտի է վերածել Շուշիի 19-րդ դարի Մեղրեցոց Սբ. Աստվածածին եկեղեցու պատմական շերտերը

Ինչպես կարող է արցախցին օգտվել բնակարանային ապահովման ծրագրից

ՀՀ կառավարությունը ԼՂ-ից բռնի տեղահանված անձանց կենսաթոշակի իրավունքը իրացնելու համար հաստատել է առանձին ընթացակարգ

Արցախից բռնի տեղահանվածները ՀՀ քաղաքացիություն ստանալուց հետո չեն զրկվի աջակցության ծրագրերից

Ucom-ը երկու նոր առաջարկ է պատրաստել Արցախից բռնի տեղահանվածների համար

Բռնի տեղահանված արցախցին Աբովյանում երեխաների զարգացման կենտրոն է հիմնել

Արամ Ա Կաթողիկոսը Նյու Յորքում Վատիկանի ներկայացուցչի հետ քննարկեց արցախահայության հետ կապված հարցեր

ՀԱՊԿ միասնական ՀՕՊ համակարգը փաստացի ստեղծվել է. յուրաքանչյուր պետության, այդ թվում՝ Հայաստանի հետ կա համաձայնագիր. Շոյգու

ՌԻԱ Նովոստի. Հայաստանը Ռուսաստան վիսկի ներմուծողների առաջին հնգյակում է

Search