Ադրբեջանի կողմից Արցախը Հայաստանին կապող միակ ճանապարհի փակման հետևանքով Արցախի Հանրապետության Ասկերանի շրջանի Խնապատ համայնքում ևս բազմաթիվ խնդիրներ են առաջացել։
Խնապատ։ Շրջափակում, օր 51-րդ
ՍՏԵՓԱՆԱԿԵՐՏ, 31 հունվարի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Խնապատի համայնքապետ Սամվել Շահրամանյանը նշեց, որ առաջնային է դիզվառելիքի խնդիրը։
«Մարդիկ այդ պատճառով չեն կարողանում վառելափայտ բերել։ Ավարտին ենք հասցրել աշնանացանի աշխատանքները։ Կատարել ենք գարու և ցորենի ցանքս։ Հուսով ենք, որ բերքը գոհացուցիչ կլինի։ Գարնանացանի աշխատանքների իրականացմանը, սակայն, չենք պատրաստվել։ Եղած ջերմոցներում էլ գյուղացիները կանաչեղեն են աճեցնում։ Չորս խանութ է գործում, որտեղից բնակիչները, ըստ ստացած կտրոնների, սննդամթերք են գնում։
Եղած միրգն ու բանջարեղենը, սակայն, վաղուց է սպառվել»,-իրազեկել է մեր զրուցակիցը` հավելելով` բնակիչները փորձում են ստեղծված իրավիճակից չհուսահատվել, բայց յուրաքանչյուրին էլ հայրենիքի ճակատագիրը շատ է մտահոգում։
