ՍՏԵՓԱՆԱԿԵՐՏ, 2 փետրվարի, ԱՐՑԱԽՊՐԵՍ: Այս մասին հինգշաբթի Ստոկհոլմում համատեղ մամուլի ասուլիսի ժամանակ հայտարարել են երկու երկրների վարչապետները, փոխանցում է news.am-ը:

Ավելի վաղ Թուրքիան հայտարարել է, որ կարող էր ավելի շուտ հավանություն տալ ՆԱՏՕ-ին անդամակցելու Ֆինլանդիայի հայտին, քան Շվեդիայի հայտին, սակայն Ֆինլանդիայի նախագահն ու արտգործնախարարը մերժել էին այդ գաղափարը՝ պնդելով, որ երկու հյուսիսային երկրների անվտանգությունը կախված է միմյանցից: 

«Ինձ դուր չի գալիս այս մթնոլորտը, մի իրավիճակ, երբ Շվեդիան ներկայացվում է որպես խնդրահարույց երեխա։ Ես չեմ կարծում, որ դա այդպես է»,-ասել է Ֆինլանդիայի վարչապետ Սաննա Մարինը։

«Շվեդիան նաեւ կատարում է բոլոր կետերը, որոնք անհրաժեշտ են ՆԱՏՕ-ի անդամ դառնալու համար»,-հավելել է նա։

Իր հերթին, Շվեդիայի վարչապետ Ուլֆ Քրիսթերսոնը հայտարարել է, որ իր երկիրը շարունակում է պահպանել ՆԱՏՕ-ին անդամակցելու եռակողմ համաձայնագիրը, որն անցյալ տարի ստորագրվել էր Շվեդիայի, Ֆինլանդիայի եւ Թուրքիայի միջեւ:

«Մենք միասին ենք սկսել այս ճանապարհորդությունը եւ միասին շարժվում ենք դեպի անդամակցություն»,-հավելել է նա։