ՍՏԵՓԱՆԱԿԵՐՏ, 6 փետրվարի, ԱՐՑԱԽՊՐԵՍ։ Այս մասին փոխանցում է SHANTNEWS.am լրատվական կայքը:

«Հալեպի, Լաթաքիայի, Համայի և Տարտուսի նահանգներում զոհվել է 538, տուժել՝ 1353 մարդ»,- հայտարարել է նախարարությունը ՝ ընդգծելով, որ այդ տվյալները դեռ վերջնական չեն:

«Հորիզոն»-ին լ Սիրիայի խորհրդարանի պատգամավոր Ժիրայր Ռեյիսյանն ավելի վաղ հայտնել էր, որ ցերեկվա դրությամբ զոհերի թվում նաև երկու հայ կա։

Հիշեցնենք՝ Թուրքիայի հարավում՝ Քահրամանմարաշ նահանգում, ժամը 04.17-ին տեղի էր ունեցել 7.4 մագնիտուդով երկրաշարժ, որի հետևանքով ավերածություններ են տեղի ունեցել մի շարք քաղաքներում, կան բազմաթիվ զոհեր և տուժածներ։

Թուրքիայի կենտրոնական հատվածում 7,7 մագնիտուդով նոր երկրաշարժ է գրանցվել։

Հաղորդվել է նաև Սիրիայի մի քանի շրջաններում ավերածությունների մասին, ստորգետնյա ցնցումները զգացվել են նաև Լիբանանի մայրաքաղաք Բեյրութում: Ժամը 13:25-ի սահմաններում տեղի է ունեցել ևս մեկ երկրաշարժ՝ 7,6 մագնիտուդով։

Թուրքիայի երկրաշարժի վերաբերյալ «Հորիզոնին» ժամը 14:35-ի դրությամբ Ակոս թերթի հայերեն էջերի խմբագիր Բագրատ Էստուկյանը հայտնել էր, որ աոհերի ու վիրավորների մեջ կան նաև հայեր: Թուրքիայում խուճապ է: