Ռուս խաղաղապահների հեռանալը Լեռնային Ղարաբաղից կհանգեցնի նաև բազայի դուրսբերմանը Գյումրիից։ Այս մասին գրում է միջազգային հարցերով ռուսաստանցի քաղաքագետ Սերգեյ Մարկեդոնովը։
Ռուս խաղաղապահների հեռանալը ԼՂ-ից կհանգեցնի նաև Գյումրիի ռազմաբազայի դուրսբերմանը. Մարկեդոնով
ՍՏԵՓԱՆԱԿԵՐՏ, 6 մարտի, ԱՐՑԱԽՊՐԵՍ։ «Լեռնային Ղարաբաղում նոր զինված միջադեպերը վկայում են այն մասին, որ «խաղադրույքները մեծանում են», - նշում է Մարկեդոնովը, գրում է infoport.am-ը։
Քաղաքագետը կարծում է, որ Ռուսաստանի համար Կովկասի այս հատվածն առանձնահատուկ, նույնիսկ առանցքային նշանակություն ունի. «Մոսկվայի՝ որպես հիմնական մոդերատորի դերակատարումը ապահովում է նրա ազդեցությունը Հայաստանի և Ադրբեջանի վրա։»։
Մարկեդոնովի պնդմամբ, նշված դերկատարման կորուստը Մոսկվայի համար անհետևանք չի մնա, ինչն ի հայտ է եկել Վրաստանում։ «Թուրքիայի ձայնը բոլոր հարթակներում շատ ավելի բարձր է լինելու, եւ կարեւոր է պայքարել «ղարաբաղյան բանալու» համար։», - ընդգծել է քաղաքագետը։