Artsakhpress

Հարցազրույց

Շրջափակումը շարունակաբար խորացնում է սոցիալական լարվածությունը․ ՍԶՄ նախարար

MediaHub-ը զրուցել է Արցախի սոցիալական զարգացման և միգրացիայի նորանշանակ նախարար Վահրամ Առաքելյանի հետ՝ պարզելու, թե ինչ վիճակ է Արցախում։

Շրջափակումը շարունակաբար խորացնում է սոցիալական լարվածությունը․ ՍԶՄ նախարար

Շրջափակումը շարունակաբար խորացնում է սոցիալական լարվածությունը․ ՍԶՄ նախարար
ՍՏԵՓԱՆԱԿԵՐՏ, 16 մարտի, ԱՐՑԱԽՊՐԵՍ: Հարցազրույցը ստորև․
-Պարոն Առաքելյան, երեք  ամիս  է՝ փակ է Արցախը Հայաստանին կապող միակ ճանապարհը: Ինչպե՞ս է բնակչության սոցիալական վիճակը: Հումանիտար օգնություններն ինչպե՞ս են հասնում Արցախ:
-Որպեսզի երկրում սոցիալական խոր ճգնաժամ չգրանցվի, պետության կողմից ձեռնարկվում են բոլոր անհրաժեշտ միջոցները: Շրջափակման պայմաններում աշխատում ենք արտակարգ ռեժիմով՝ ըստ անհրաժեշտության վերաձևակերպելով տարբեր ծրագրեր և գործառույթներ: Օգնությունների տեղափոխման վերաբերյալ տեղեկատվությունը հրապարակման ենթակա չէ։ 
-Ի՞նչ վիճակ է գյուղերում:
-Սոցիալական տեսանկյունից էական տարբերություններ չկան գյուղաբնակների և քաղաքային համայնքների բնակիչների միջև:
-Ստեղծված ճգնաժամային իրավիճակում կոնկրետ ի՞նչ մարտահրավերներ կան, որոնք են առաջնայինն այս պահին և ի՞նչ լուծումներ եք առաջարկում:
Շրջափակումը շարունակաբար խորացնում է սոցիալական լարվածությունը․ Արցախի ՍԶՄ նախարար
-Շարունակվող շրջափակումը շարունակաբար խորացնում է սոցիալական լարվածությունը: Նման պայմաններում առաջնային է մնում երկրում պարենային անվտանգության ապահովման հարցը, որը ձգտում ենք հնարավորինս լուծել ինչպես տեղական ռեսուրսներով, այնպես էլ մարդասիրական օգնությունների միջոցով, որոնք հասնում են Արցախ: Այդ առիթով շնորհակալությունս եմ հայտնում Հայաստանից և արտերկրից տարբեր կրոնական, հասարակական կազմակերպություններին և առանձին անհատներին, ովքեր այս ծանր ժամանակաշրջանում կանգնած են Արցախի կողքին: 

Մեր կողմից մշակվում է մեխանիզմ, որն ավելի արդյունավետ պետք է դարձնի Արցախ հասնող մարդասիրական օգնությունների բաշխման գործընթացը: Այդ աշխատանքների կազմակերպման նպատակով դիմել ենք հանրային սեկտորի ակտիվ անդամներին՝ կամավորության սկզբունքով միանալու հանրօգուտ աշխատանքին: Զբաղվածության ոլորտում վերագործարկվել է 5 ծրագիր՝ նպատակ ունենալով ինչ-որ չափով նպաստել աշխատաշուկայի պահանջարկի բավարարմանն ու անմրցունակ անձանց աշխատանքի տեղավորման գործընթացին:
-Բնակչության քանի՞ տոկոսն  է բախվել գործազրկությանը. ո՞ր ոլորտներն են դրանք:
- Շրջափակման հետևանքով տուժած ոլորտների և աշխատողների վերաբերյալ տեղեկատվություն կարող եք ստանալ Պետեկամուտների կոմիտեից։  Մեր նախարարության աշխատանքի և զբաղվածության բաժնում պաշտոնապես գրանցված գործազուրկների թիվն էական փոփոխության չի ենթարկվել:
-Փաստացի, բացի պետական ապարատում աշխատողներից, մնացած բոլոր քաղաքացիները ֆինանսական լուրջ խնդիրների առաջ են կանգնած: Ի՞նչ քայլեր են ձեռնարկվում վիճակը մեղմելու համար և արդյո՞ք ԱՀ բյուջեն բավարար է: Եթե ոչ, ապա ՀՀ-ի կողմից ի՞նչ ծավալի աջակցություն է հասնում Արցախ:
- Կենսաթոշակների, նպաստների և մյուս բոլոր գումարների վճարումներն այս պահին իրականացվում են։ Այսինքն՝ Արցախի պետական բյուջեի միջոցների հաշվին նախարարության կողմից իրականացվող բոլոր ծրագրերը կատարվում են առանց խափանումների։
-Ի՞նչ  ժառանգություն եք ստացել: Ի՞նչ ծրագրեր կան, որ պետք է շարունակվեն կամ նախաձեռնվեն:
-ԱՀ սոցիալական զարգացման և միգրացիայի նախարարությունը շարունակում է իրականացնել իր լիազորությունների շրջանակներում սահմանված բոլոր ծրագրերն ու գործառույթները: Միասնական սոցիալական ծառայության կողմից բնականոն հունով կազմակերպվում և իրականացվում են պետական կենսաթոշակների, նպաստների և սոցիալական բնույթ կրող այլ գումարների նշանակման և վճարման գործընթացները:
Բժշկասոցիալական փորձաքննության գործակալությունը շարունակում է իրականացնել հաշմանդամության խմբերի սահմանման, փորձաքննության և վերափորձաքննական աշխատանքների իրականացման աշխատանքները՝ այդ համատեքստում սահմանելով աշխատանքային ճկուն մեխանիզմ, որպեսզի շրջափակման և վառելիքի սակավության պայմաններում քաղաքացիները կարողանան լիարժեք օգտվել իրենց իրավունքներից: Սոցիալ-հոգեբանական աջակցության կենտրոնի աշխատողների կողմից իրականացվում են սոցիալական տարբեր խմբերի պատկանող անձանց կարիքների խորքային գնահատում, որոնց հիման վրա բավարարվում են նախարարություն դիմող քաղաքացիների դիմումները: Իրականացվում են հաշմանդամություն ունեցող անձանց և միայնակ տարեցների կենցաղային խնմաքի, բժշկական օգնության և սպասարկման, սոցիալ-հոգեբանական խորհրդատվության անցկացման աշխատանքներ: Շրջափակման առաջին իսկ օրվանից նախարարությունը հանձն է առել՝ վեր հանելու և ըստ անհրաժեշտության, օժանդակություն տրամադրելու այն ընտանիքներին, որոնց անդամները մնացել են ճանապարհի այս և մյուս կողմերում:
Բացի դրանից, այս պահին ընթացքի մեջ են Արցախի Հանրապետության կառավարության որոշմամբ մեկնարկած՝ շրջափակման սոցիալ-տնտեսական հետևանքների մեղմացման ծրագրի 2-րդ և 3-րդ միջոցառումները, որոնց պատասխանատուն մեր գերատեսչությունն է։ 
Երկրորդ միջոցառման շրջանակներում դրամական աջակցություն է ցուցաբերվում ԱՀ-ում փաստացի բնակվող այն անձին, ով առնվազն 2022 թվականի նոյեմբերի 1-ից անընդհատ աշխատանքային կամ քաղաքացիաիրավական հարաբերությունների մեջ է գտնվել ԱՀ կառավարության կողմից հաստատված ոլորտներից որևէ մեկում գործունեություն իրականացնող տնտեսավարող սուբյեկտի հետ և 2022թ. դեկտեմբերի 12-ից մինչև 2023թ. հունվարի 31-ը (ներառյալ) ընկած ժամանակահատվածում ազատվել է աշխատանքից կամ դադարեցվել է (լուծվել, դադարել է) քաղաքացիաիրավական պայմանագիրը։ Ֆինանսական աջակցության վճարման գործընթացն արդեն իսկ մեկնարկել է և իրականացվում է փուլերով:
Երրորդ միջոցառումն իրենից ներկայացնում է դրամական օժանդակություն՝ Արցախի Հանրապետությունում փաստացի բնակվող, հիմնական աշխատանք չունեցող և 2023 թվականի հունվարի 31-ի դրությամբ 18 տարին չլրացած երեխա ունեցող ընտանիքների: Համաձայն այդ ծրագրի, յուրանքանչյուր անչափահաս երեխայի հաշվով ընտանիքին տրամադրվում է միանվագ 20 000-ական դրամի չափով, իսկ եթե երկու ծնողը չեն աշխատում, այդ դեպքում յուրաքանչյուր երեխայի հաշվով տրամադրվում է 40 000 դրամի չափով ֆինանսական աջակցություն: Եթե ծնողը միայնակ է խնամում անչափահաս երեխային և չի աշխատում, ֆինանսական աջակցության չափը կրկին 40 000 դրամ է:
Ինչ վերաբերում է նոր նախաձեռնություններին, այս պահին հիմնական աշխատանքներն առնչվում են մեր կողմից իրականացվող նյութական օժանդակությունների տրամադրման գործընթացն ավելի օպերատիվ և թիրախային դարձնելուն: Օգնությունների տրամադրման շրջանակը շարունակաբար մեծանում է՝ ներառելով նոր խմբեր: Մասնավորապես, ներկայումս սննդի տեսքով օգնություն է տրամադրվում տարիքային և ծերության կենսաթոշակ ստացող անձանց:

     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search