Այսօր՝ մարտի 21-ին՝ Տինիկային արվեստի միջազգային օրը, Ծիլ տիկնիկային ստուդիայի կողմից Ստեփանակերտի Պոլ Էլյուարի տուն ֆրանկոֆոնիայի կենտրոնի ցուցասրահում բեմադրվել է «Շունն ու կատուն» տիկնիկային ներկայացումը:
Ստեփանակերտում ցուցադրվել է «Շունն ու կատուն» տիկնիկային ներկայացումը(լուսանկարներ)
ՍՏԵՓԱՆԱԿԵՐՏ, 21 մարտի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Հադրութի ՄՊՍԿ տնօրեն Իրինա Թամրազյանը բեմադրությունը հաջողված է համարել։
«Արդեն մեկ տարի է` մեր կենտրոնում գործում է տիկնիկային թատրոնի խումբը, որտեղ հաճախում է ավելի քան 50 երեխա: Ունենք երեք խումբ: Այսօր ավագ խմբի երեխաները ներկայացրեցին իրենց տաղանդը, նրանք դերասանական վարպետության ուղղությամբ են աշխատում, միջին խմբում աշխատում են միայն տիկնիկներ պատրաստելու, իսկ փոքր խմբում` տիկնիկային թերապիայի ուղղությամբ, որպեսզի երեխաները աստիճանաբար զարգանան և հասնեն տիկնիկային թատրոնի մակարդակին: Այսօր վերջապես հասանք մեր նպատակին` բեմադրելով «Շունն ու կատուն» տիկնիկային ներկայացումը: Բեմը շատ մեծ դժվարությամբ կարողացանք կահավորել, նկարչական ձևավորումն ապահովել, բայց կարևորը ստացված արդյունքն է»,-նշել է Ի. Թամրազյանը:
Ծիլ տիկնիկային ստուդիայի հիմնադիր-ղեկավար,դերասան, տիկնիկավար Արմեն Գաբրիելյանը մեզ հետ զրույցում ասել է,որ ներկայացումն իրենց առաջնախաղն էր:
«Ակտիվ կերպով ներկայացումներով հանդես կգանք Ստեփանակերտի դպրոցների և մանկապարտեզների համար:Մեր գերնպատակն այն է,որ ներկայացմամբ շրջագայենք նաև գյուղերում,ինչպես որ ժամանակին գնում էինք տիկնիկաթերապիայի,տիկնիկավարության և տիկնիկագործության դասընթացների:Առաջ Աստված,երևի ամեն ինչ լավ կլինի ու կստացվի ներկայացմամբ հանդես գալ նաև գյուղերում»,-ընդգծել է Ա. Գաբրիելյանը:
«Ակտիվ կերպով ներկայացումներով հանդես կգանք Ստեփանակերտի դպրոցների և մանկապարտեզների համար:Մեր գերնպատակն այն է,որ ներկայացմամբ շրջագայենք նաև գյուղերում,ինչպես որ ժամանակին գնում էինք տիկնիկաթերապիայի,տիկնիկավարության և տիկնիկագործության դասընթացների:Առաջ Աստված,երևի ամեն ինչ լավ կլինի ու կստացվի ներկայացմամբ հանդես գալ նաև գյուղերում»,-ընդգծել է Ա. Գաբրիելյանը:
