Այսօր` սեպտեմբերի 16-ին, Ստեփանակերտում կազմակերպվել է սեղանի թենիսի առաջնություն` նվիրված Արցախի Հանրապետության անկախության 32֊ամյակին: Մրցույթին մասնակցել են Ստեփանակերտի կամավոր մարզական ֆիզկուլտուրայի կենտրոնի և սպորտդպրոցի սաները:
Ստեփանակերտում սեղանի թենիսի առաջնություն է կազմակերպվել
ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ: Արցախի Հանրապետության սեղանի թենիսի ֆեդերացիայի նախագահ Գրիգոր Առաքելյանը «Արցախպրես»-ի հետ զրույցում նշեց, որ առաջնությունը կազմակերպվել է և' տղաների, և' աղջիկների միջև: Մասնակիցները խաղացել են շրջանաձև եղանակով:
«Մրցանակային տեղեր գրաված մասնակիցները Արցախի Հանրապետության ԿԳՄՍ նախարարության կողմից ստացել են դրամական պարգևներ, իսկ սեղանի թենիսի ֆեդերացիայի կողմից` պատվոգրեր», - նշել է մեր զրուցակիցը և հավելել, որ Արցախի Հանրապետության անկախության 32֊ամյակին նվիրված մրցույթները շարունակական բնույթ են կրում:
