Սեպտեմբերի 15-ին Հունգարիայում ՀՀ դեսպան Աշոտ Սմբատյանին ընդունել է Հունգարիայի խորհրդարանի նախագահ, դոկտոր Լազլո Կյովերը։
Աշոտ Սմբատյանը Հունգարիայի խորհրդարանի նախագահին է ներկայացրել Ադրբեջանի կողմից Լաչինի միջանցքի անօրինական արգելափակման հետևանքով Արցախում ստեղծված հումանիտար ճգնաժամը
ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ: Հանդիպմանն անդրադարձ է կատարվել Հայաստանի և Հունգարիայի միջև համագործակցության զարգացման հեռանկարներին, ընդգծվեց այդ հարցում խորհրդարանների ունեցած զգալի ներուժը՝ պայմանավորված երկու երկրներում կառավարման խորհրդարանական համակարգերով։
ՀՀ դեսպանը ողջունել է Հունգարիայի խորհրդարանում Հայաստանի հետ բարեկամության խմբի ձևավորումը և նախագահ Կյովերին տեղեկացրել, որ ՀՀ Ազգային ժողովում արդեն իսկ կայացվել է որոշում Հունգարիայի հետ բարեկամության խմբի ձևավորման վերաբերյալ։
Ա.Սմբատյանը ներկայացրել է Ադրբեջանի կողմից Լաչինի միջանցքի անօրինական արգելափակման հետևանքով Լեռնային Ղարաբաղում ստեղծված հումանիտար ճգնաժամը, ինչպես նաև Ադրբեջանի ագրեսիվ գործողությունների արդյունքում տարածաշրջանում ստեղծված լարված իրավիճակը։
