Լեհաստանի ՆԳ նախարար Մարիուշ Կամինսկին հայտնել է, որ երկրի սահմանային ծառայությունը Բելառուսի հետ սահմանի երկայնքով Բուգ գետի վրա էլեկտրոնային պատնեշի կառուցման մրցույթ է հայտարարել:
Լեհաստանը էլեկտրոնային պատնեշ կկառուցի Բելառուսի հետ սահմանին
ՍՏԵՓԱՆԱԿԵՐՏ, 17 սեպտեմբերի, ԱՐՑԱԽՊՐԵՍ: Այս մասին, news.am-ի փոխանցմամբ, տեղեկացնում է Լեհաստանի ՆԳՆ-ն։
Ըստ նրա, արգելապատնեշի երկարությունը կկազմի 172 կմ։ Այն կներառի շուրջօրյա աշխատող մոտ 4,5 հազար տեսախցիկ, ջերմադիտակներ և շարժման սենսորներ։
Նախարարը նաև նշել է, որ Քյոնիգսբերգի շրջանի շուրջ էլեկտրոնային պատնեշի կառուցման աշխատանքները կավարտվեն հոկտեմբերին։
