Ֆինլանդիայի նախագահ Սաուլի Նինիստոն հայտարարել է, որ արևմտյան երկրները պետք է ուղիներ գտնեն ուկրաինական ճգնաժամի ֆոնին Մոսկվայի հետ հարաբերությունները պահպանելու, ինչպես նաև դրա ավարտից հետո զարգացնելու համար։
Ֆինլանդիայի նախագահը կոչ է արել Արևմուտքին պահպանել հարաբերությունները Ռուսաստանի հետ
ՍՏԵՓԱՆԱԿԵՐՏ, 17 սեպտեմբերի, ԱՐՑԱԽՊՐԵՍ: SHANTNEWS.am-ի փոխանցմամբ, այս մասին նա խոսել է The New York Times-ին տված հարցազրույցում։
«Ես նկատի չունեմ ինչ-որ ամուր բարեկամություն, այլ միմյանց հանդուրժելու և նույնիսկ մի փոքր հասկանալու ունակությունը»,-ասել է Ֆինլանդիայի նախագահը:
Նինիստոն նշել է, որ նոր ռազմական հակամարտությունները կանխելու համար կողմերի միջև «վստահությունն է անհրաժեշտ»։ Միևնույն ժամանակ, նա դժվարացել է կանխատեսել, թե երբ կավարտվի հակամարտությունը Ուկրաինայում և «ինչպիսին կլինի կյանքը, երբ նորից խաղաղություն լինի»։
