Հայաստանի բռնցքամարտիկները չորս ոսկե և մեկ բրոնզե մեդալ են նվաճել Հունաստանում անցկացված միջազգային մրցաշարում:
Հայ բռնցքամարտիկները 4 ոսկե մեդալ են նվաճել Հունաստանում
ՍՏԵՓԱՆԱԿԵՐՏ, 18 սեպտեմբերի, ԱՐՑԱԽՊՐԵՍ։ Այս մասին հաղորդում է ՀԲՖ-ի մամուլի ծառայությունը։
Բոլոր մրցակիցներին հաղթել ու պատվո հարթակի ամենավերին աստիճանին են կանգնել Անի Հովսեփյանը, Արթուր Բազեյանը, Գուրգեն Մադոյանը և Ռաֆայել Հովհաննիսյանը, իսկ Բարեղամ Հարությունյանը վնասվածքի պատճառով բավարարվել է բրոնզե մեդալով։
Հայ բռնցքամարտիկները Հունաստանի մրցաշարին մասնակցում էին մարզիչներ Արման Հարությունյանի և Վաչե Վարդայանի գլխավորությամբ։ Թիմի հետ մրցավայրում էր նաև ֆեդերացիայի առաջին փոխնախագահ Սամվել Գասպարյանը։
