ՄԱԿ-ի առաքելությունը ժամանել է Արցախ, հայտնում է ԱՊԱ-ն։
ՄԱԿ-ի առաքելությունը ժամանել է Արցախ
ՍՏԵՓԱՆԱԿԵՐՏ, 1 հոկտեմբերի, ԱՐՑԱԽՊՐԵՍ: Պատվիրակությունն անցել է Ակնայով և շարունակել Ասկերան-Ստեփանակերտ ուղղությամբ։ Սա ՄԱԿ-ի առաքելության առաջին այցն է Արցախ վերջին 30 տարվա ընթացքում։
Ադրբեջանի արտաքին գործերի նախարարության մամուլի քարտուղար Այխան Հաջիզադեն ավելի վաղ հայտնել էր, որ ՄԱԿ-ի առաքելությունը մի քանի օր կմնա այնտեղ։ Նրա խոսքով՝ կազմակերպության ներկայացուցիչները կծանոթանան զինաթափման գործընթացին։
Փորձագետների խումբը ստացել է Արցախում գտնվելու համար անհրաժեշտ բոլոր թույլտվությունները։
Հայկական կողմի փոխանցմամբ՝ ՄԱԿ-ի առաքելությունը նախատեսում է առաջնային ուշադրություն հատկացնել Արցախի բնակիչների հումանիտար կարիքների արձանագրմանը։ Այն կգնահատի իրավիճակը տեղում՝ փաստագրելով ինչպես տարածաշրջանը լքած, այնպես էլ այնտեղ մնացած մարդկանց հումանիտար կարիքները:
