Տարածաշրջանում ցանկացած աշխարհաքաղաքական փոփոխություն կհանգեցնի անկայունության և ճգնաժամի սրման. այս կարծիքն է հայտնել Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանը Հայաստանի Անվտանգության խորհրդի քարտուղար Արմեն Գրիգորյանի հետ հանդիպմանը։
Տարածաշրջանում ցանկացած աշխարհաքաղաքական փոփոխություն կհանգեցնի անկայունության և ճգնաժամի սրման. Իրանի ազգային անվտանգության բարձրագույն խորհրդի քարտուղար
ՍՏԵՓԱՆԱԿԵՐՏ, 2 հոկտեմբերի, ԱՐՑԱԽՊՐԵՍ: Այս մասին հաղորդում է Tert.am-ը:
Հանդիպման ընթացքում Ահմադիանը մատնանշել է Հարավային Կովկասում տեղի ունեցած վերջին իրադարձությունները և տարածաշրջանում խաղաղության և անվտանգության հաստատման համար բոլոր կողմերի ջանքերի անհրաժեշտությունը։
Իրանի ազգային անվտանգության գերագույն խորհրդի քարտուղարը մատնանշել է Իսլամական Հանրապետության սկզբունքային և հետևողական քաղաքականությունը հարևանների հետ համագործակցության և փոխգործակցության զարգացման և տարածաշրջանը ցանկացած լարվածությունից և հակամարտությունից զերծ պահելու ուղղությամբ:
«Տարածաշրջանի երկրների միջև անկեղծ և կառուցողական երկխոսությունը հիմք է դնում տարածաշրջանի բնակչության կայուն անվտանգության, համաչափ զարգացման, բարգավաճման համար», - հավելել է նա։
Իրանի Իսլամական Հանրապետությունը պատրաստ է անհրաժեշտ պայմաններ ապահովել և հանդիպում կազմակերպել տարածաշրջանի երկրների միջև, հավելել է նա։
Ազգային անվտանգության խորհրդի քարտուղարն ընդգծել է նաև առևտրատնտեսական համագործակցության զարգացման անհրաժեշտությունը՝ հայտարարելով իրանական կողմի պատրաստակամությունը զարգացնելու Երևանի հետ հարաբերությունները բոլոր ոլորտներում։
