«Լարք» երաժշտսական ընկերությունը Հայոց ցեղասպանության 100-րդ տարելիցին նվիրված 100 միջոցառումների շարքում Փասադենայում կներկայացնի Արմեն Տիգրանյանի «Անուշ» օպերան:
Փասադենայում կներկայացվի Արմեն Տիգրանյանի «Անուշ» օպերան
ՍՏԵՓԱՆԱԿԵՐՏ, 14 ՄԱՅԻՍԻ, ԱՐՑԱԽՊՐԵՍ։ Ինչպես հաղորդում է «Արմենպրես»-ը՝ վկայակոչելով «Ասպարեզ» պարբերականը, Հասմիկ Պապյանի և Շուշիկ Բարսումյանի գլխավոր դերակատարությամբ ներկայացումը քաղաքի Ambassador Auditorium համերգասրահում բեմ դուրս կգա ընդհամենը չորս անգամ՝ մայիսի 23, 24, 30 և 31-ին:
Փասադենայում «Հայկական Ռոմեոյի և Ջուլիետի» պատմությունը ներկայացնող օպերայի ռեժիսորն է Հովհաննես Հովհաննիսյանը, դիրիժորը՝ Վաչե Բարսումյանը: Մայիսի 23 և 31-ին Անուշի դերը կատարելու է Հասմիկ Պապյանը, Սարոյի դերը՝ Եղիշե Մանուչարյանը, Մոսիի դերը՝ Պողոս Բիազբեկյանը, իսկ մայիսի 24 և 30-ին Անուշի դերում հանդես կգա Շուշիկ Բարսումյանը, Սարոյի դերում՝ Պերճ Կառազյանը, իսկ Մոսիի դերում՝ Արշակ Կուզիկյանը:
