Artsakhpress

Քաղաքական

ՀՀ ԱԺ պետական-իրավական հանձնաժողովը մերժեց «ՀայաՔվե» նախաձեռնության օրենքի նախագիծը

ԱԺ պետաիրավական հարցերի մշտական հանձնաժողովի նիստում բացասական եզրակացություն տվեց «Հայաքվե» նախաձեռնության օրենքի նախագծին։ «Հայաքվեն» Ազգային ժողով էր ներկայացրել Քրեական օրենսգրքում լրացումներ կատարելու նախագիծ, համաձայն որի՝ ՀՀ անունից Արցախը որեւէ այլ պետության կազմում ճանաչելը, Հայոց ցեղասպանության ճանաչումից հրաժարվելը կամ դրա վտանգավորությունը նսեմացնելը պատժվում է ազատազրկմամբ՝ 10-15 տարի ժամկետով։

ՀՀ ԱԺ պետական-իրավական հանձնաժողովը մերժեց «ՀայաՔվե» նախաձեռնության օրենքի նախագիծը

ՀՀ ԱԺ պետական-իրավական հանձնաժողովը մերժեց «ՀայաՔվե» նախաձեռնության օրենքի նախագիծը
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ։ Aysor.am-ի փոխանցմամբ, «Հայաստան» խմբակցության պատգամավոր Արծվիկ Մինասյանն առաջարկեց նախագիծը լրացնել։ «Առաջարկս հետեւյալն է՝ Արցախին վերաբերող հոդվածում թվարկվեն այն կոնկրետ գործողությունները եւ անձանց շրջանակը, որոնք այդ հանցագործության հնարավոր կատարողներ կարող են լինել։ Եթե հիմնական զեկուցողի կողմից էլ ցանկություն կա, հետաձգվի, լրամշակվի եւ ներկայացվի»,- ասաց Մինասյանը։
 
Հանձնաժողովի նախագահ Վլադիմիր Վարդանյանը հորդորեց գրավոր ներկայացնել լրացումը։ Արծվիկ Մինասյանն իր այս առաջարկը գրավոր ներկայացրեց։
 
ՔՊ խմբակցության պատգամավոր Արուսյակ Ջուլհակյանը (լուսանկարում) մեջբերում արեց Հանրաքվեի մասին օրենքից՝ նշելով․ «Եթե մենք հիմա հետաձգում ենք օրենքի նախագծի քվեարկությունը, ապա այնտեղ մենք հնարավորություն ունենք նախագիծն ավտոմատ մերժման արժանացնելու՝ առանց քվեարկության»։
 
Վլադիմիր Վարդանյանն ասաց, որ չի կարող լինել մի իրավիճակ, որ հանձնաժողովի անդամը ներկայացնի առաջարկ եւ այդ առաջարկի հիմքով նախագծի քննարկումը հետաձգվի։
 
Հանձնաժողովը քվեարկեց եւ մերժեց Արծվիկ Մինասյանի առաջարկը։
 
 «Հայաքվե» նախաձեռնության լիազոր ներկայացուցիչ, իրավաբան Արամ Պետրոսյանն ասաց, որ առաջարկ ունի․ «Ես առաջարկում եմ նախագծի քննարկումը հետաձգել՝ հաշվի առնելով այն կարեւոր փաստերը, որոնք ներկայացվեցին այսօրվա քննարկման ժամանակ»։
 
Վլադիմիր Վարդանյանն ասաց, որ հնարավոր չէ նախագծի քննարկումը հետաձգել, եթե հիմնական զեկուցողի կողմից չկա լրամշակման վերաբերյալ առաջարկ, որը կընդունվի հանձնաժողովի կողմից։
 
 Արծվիկ Մինասյանն ասաց, որ եթե մեծամասնությունը մերժում է այդ առաջարկը, հերթական խախտումն է թույլ տրվում։ «ԱԺ կանոնակարգ օրենքի կամայական մեկնաբանություն եք անում՝ ոտնահարելով հիմնական զեկուցողի եւ պատգամավորների իրավունքը»,- ասաց Մինասյանը։
 
«Միակ տարբերակը, որը հիմա կարող եք անել՝ այս քվեարկությունների արդյունքում պարզապես նախագիծը հիմա դնեք քվեարկության, եթե, իհարկե, հեղինակը հետ չի կանչում նախագիծը։ Քննարկումը սկսվել է, պետք է ավարտվի քվեարկությամբ»,- ասաց Վլադիմիր Վարդանյանը։ Արուսյակ Ջուլհակյանը հայտարարեց, որ հարցը քվեարկության է դրվում։ Արծվիկ Մինասյանն ասաց, որ դա կանոնակարգի խախտում է։ Նա նշեց, որ ԱԺ նստաշրջանում հատուկ կարծիք են ներկայացնելու։
 
Քվեարկության արդյունքում հանձնաժողովը բացասական եզրակացություն տվեց «Հայաքվեի» նախագծին՝ երեք կողմ, 7 դեմ ձայնով։ Սա նշանակում է, որ նախագիծը չի ընդգրկվում ԱԺ լիագումար նիստերի օրակարգ։

     

Քաղաքական

Տնտեսական

Հասարակական

Ռազմական

Սուրեն Պապիկյանը մեկնել է Ֆրանսիա

ՀՀ վարչապետ Նիկոլ Փաշինյանի գլխավորած պատվիրակության կազմում պաշտպանության նախարար Սուրեն Պապիկյանը փետրվարի 21-ին աշխատանքային այցով մեկնել է Ֆրանսիայի Հանրապետություն:

Զորակոչվող բոլոր քաղաքացիները պատշաճ կարգով անցնում են առողջական վիճակի զննության անհրաժեշտ բոլոր հետազոտությունները. ՀՀ ՊՆ

Ի պատասխան զորակոչի և դրան հաջորդող շրջանում տեղ գտած որոշ հրապարակումների` Պաշտպանության նախարարությունը տեղեկացնում է, որ պարտադիր զինվորական ծառայության զորակոչվող բոլոր քաղաքացիները մինչև զորակոչվելը պատշաճ կարգով անցնում են առողջական վիճակի զննության անհրաժեշտ բոլոր հետազոտությունները, և իրավասու բժշկական հանձնաժողովների կողմից նրանց պիտանիության վերաբերյալ եզրակացությունները կայացվում են՝ ՀՀ կառավարության 2018 թվականի ապրիլի 12-ի N 404-Ն որոշման հավելված 1-ով հաստատված զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների ցանկին համապատասխան։

Տեսանյութեր

ավելին

Ամենադիտված

ամիս

շաբաթ

օր

Ադրբեջանը ոչնչացրել է ստեփանակերտցիների մանկության խորհրդանիշ Արծվի հուշարձանը

Պանդորա Մկրտչյանը շարունակում է Արցախում ապրել միայնակ․ նա երեկ զանգել է հարազատներին

Առողջապահության ազգային ինստիտուտում ԼՂ-ից բռնի տեղահանվածերին մատուցվում են անվճար ստոմատոլոգիական ծառայություններ

ԼՂ-ից բռնի տեղահանվածների աջակցության սահուն շարունակության համար նոր ծրագրեր են քննարկվում և մշակվում

ԼՂ-ից տեղահանվածները կարող են հաշվառվել փաստացի բնակության հասցեում, եթե նույնիսկ սեփականատերը համաձայնություն չի տվել

Փոխանակման կետերում դոլարը, եվրոն և ռուբլին էժանանում են

ԱՄՆ կատարած այցը հստակ ուղերձ ուներ՝ բոլորին ցույց տալու և ասելու, որ մենք չենք համարում, որ Արցախի թեման փակված է. Գեղամ Ստեփանյան

2024 թվականին Հայաստանը Բաքվի և Մոսկվայի ուժեղ ճնշման տակ է լինելու. Թոմ դե Վաալ

Ադրբեջանի մշակութային ցեղասպանության հերթական զոհը Ալեք Մանուկյանի արձանն է Ստեփանակերտում

Search