Artsakhpress

Մշակույթ

Հայաստան-Թուրքիա կինոպլատֆորմին 10 նախագիծ է մասնակցում

Երևանյան «Ոսկե ծիրան» միջազգային կինոփառատոնի շրջանակում անցկացվող Հայաստան-Թուրքիա կինոպլատֆորմի աշխատաժողովին 10 նախագիծ է մասնակցում:

Հայաստան-Թուրքիա կինոպլատֆորմին 10 նախագիծ է մասնակցում

Հայաստան-Թուրքիա կինոպլատֆորմին 10 նախագիծ է մասնակցում

ՍՏԵՓԱՆԱԿԵՐՏ, ՀՈՒԼԻՍԻ 13, ԱՐՑԱԽՊՐԵՍ-ԱՐՄԵՆՊՐԵՍ։ Հուլիսի 13-14-ն անցկացվող միջոցառումը ներառում է մասնագիտացված դասընթացներ, հանդիպումներ և նախագծերի ներկայացումներ: Ժյուրիի որոշմամբ նախապես ընտրված նախագծերից մեկին կշնորհվի ֆիլմի արտադրության աջակցության մրցանակ՝ 10 հազար ԱՄՆ դոլարի չափով:

Երևանյան «Ոսկե ծիրան» միջազգային կինոփառատոնի գեղարվեստական ղեկավար, կինոքննադատ Սուսաննա Հարությունյանի խոսքով՝ Հայաստան-Թուրքիա կինոպլատֆորմն ավանդական է դարձել:

«Մենք հայտերի ընդունման մասին հայտարարել էինք երկու ամիս առաջ: Մենք ունենք հայ և թուրք երիտասարդ կինոգործիչների շրջանակ, որոնք հետաքրքրված են նման թեմաներով: Նախորդ աշխատանքային հանդիպումը կայացել էր ապրիլին Ստամբուլում: Նախագծերի 90 տոկոսը Հայոց  ցեղասպանության թեմային էին նվիրված. դա վերաբերում է ինչպես թուրքերի, այնպես էլ հայերի ներկայացրած նախագծերին: Դա բնական էր այս տարում, բայց սա նաև ընդգծում է հայ-թուրքական պլատֆորմի արդյունքը»,- նշեց նա:

Սուսաննա Հարությունյանն ընդգծեց, որ երբ իրենք նոր էին սկսում իրականացնել կինոպլատֆորմը, շատերը հարցականի տակ էին դնում՝ ինչի՞ համար են պետք այդ շփումները, ինչի՞ համար է պետք հայ-թուրքական երկխոսությունը: Նրա խոսքով՝ նպատակն այն է, որ երիտասարդ թուրք կինոգործիչները Ցեղասպանության թեմայի, Հայաստանի մասին տեղեկանան:

«Այս աշխատաժողովին ընտրված են նախագծեր, որոնք նվիրված են Ցեղասպանությանը: Հուլիսի 14-ին մենք սկսում ենք նախագծերի ներկայացումը: Մեր հայ-թուրքական պլատֆորմի սրահում ազատորեն խոսվում է բոլոր խնդիրների մասին՝ թուրքերի մասնակցությամբ»,- հայտնեց նա:

Երևանյան «Ոսկե ծիրան» միջազգային կինոփառատոն գեղարվեստական ղեկավարը վստահ է՝ հայկական հարցը պետք է հնչի միջազգային հարթակներում, այդ թվում՝ Թուրքիայում:

Կինոպլատֆորմի համար ընտրվել են Բելգին Չենգիզի «Խաթուն», Սոնա և Մարինե Քոչարյանների «Մուրատ», Րաֆֆի Նիզիբլյանի «Ես Նիզիբից եմ», Գագիկ Ղազարյանի «Հոմֆուլ», Չանթալ Փարթամյանի «Ան-տարածքներ», Դիանա Մկրտչյանի «Լռություն», Սենեմ Գոկչեի «Կ’աՐ», Ավիվա Բարխուդարյանի «Պատահաբար», Սաբրի Ումու Բոզիյլի «Մի կաթիլ ջուր» և Հաջի Օրմանի «Օտարում» նախագծերը: Հայտերի հիմնական մասը համատեղ արտադրություններ են:

Հայաստան-Թուրքիա կինոպլատֆորմն իր գործունեությունը սկսել է 2008 թվականին` «Ոսկե ծիրան» միջազգային կինոփառատոնի (Հայաստան) և «Անադոլու Կուլտուր» կազմակերպության (Թուրքիա) համատեղ նախաձեռնությամբ: Այն կապեր է ստեղծում երկու երկրների կինոգործիչների միջև, խրախուսում և աջակցում է համատեղ կինոարտադրությունը: Կինոպլատֆորմն արդեն ֆինանսավորել է 17 կինոնախագիծ` Հայաստանից և Թուրքիայից։


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ճանապարհատրանսպորտային պատահար Ասկերան-Ստեփանակերտ ավտոճանապարհին. կա 2 զոհ

Երբևէ հեղափոխությամբ կամ հակահեղափոխությամբ չեմ զբաղվել. Սամվել Կարապետյանը հանդես է եկել հայտարարությամբ

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

Ոչ մի ընտրություն ավելի մեծ արժեք չէ, քան միասնական լինելը. «Ազատ Հայրենիք» կուսակցության նախագահ

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Հունիսի 1-ից զինծառայողների աշխատավարձերը կավելանան

Ոստիկանությունը օրենքով արգելված վայրում հավաք անցկացնելու դեպքի վերաբերյալ հաղորդագրություն է տարածել

Հակառակորդը չի կարողացել ամրանալ Նախիջևանի ուղղությամբ մի քանի հենակետում

Search