Artsakhpress

Ռազմական

ՃՇՀԱՀ ուսանողներն Արցախի զորամասերում ներկայացրել են «Հրադադար» բեմադրությունը

Ճարտարապետության և շինարարության Հայաստանի ազգային համալսարանի ուսանողական խորհրդի 45 անդամներ՝ նախագահ Հովսեփ Հովեյանի և բուհի կարիերայի կենտրոնի ղեկավար Հայկ Սարգսյանի գլխավորությամբ, այցելել են Արցախի մի շարք զորամասեր։

ՃՇՀԱՀ ուսանողներն Արցախի զորամասերում ներկայացրել են «Հրադադար» բեմադրությունը

ՃՇՀԱՀ ուսանողներն Արցախի զորամասերում ներկայացրել են «Հրադադար» բեմադրությունը

ՍՏԵՓԱՆԱԿԵՐՏ, ՀՈՒԼԻՍԻ 27, ԱՐՑԱԽՊՐԵՍ:  Հայաստանի երիտասարդական հիմնադրամի  հասարակայնության հետ կապերի ծառայության փոխանցմամբ՝ ուսանողները զորամասերին նվիրել են համակարգիչներ, իսկ զինվորներին՝ հիգիենայի պարագաներ:

Արցախում էին նաև ուսանողական խորհրդի թատերական խմբակի անդամները, ովքեր զինվորների համար խաղացին Սամվել Խալաթյանի պիեսի հիման վրա բեմադրված «Հրադադար» ներկայացումը:


Ուսանողները հանդիպում են ունեցել բարձրաստիճան պաշտոնյաների հետ, մասնավորապես՝ Ստեփանակերտի քաղաքապետ Սուրեն Գրիգորյանի, մշակույթի և երիտասարդության հարցերի նախարար Նարինե Աղաբալյանի, ինչպես նաև պաշտպանության բանակի մի շարք բարձրաստիճան սպաների հետ:

Ուսանողական խորհրդի անդամները եղել են նաև Արցախի պատմամշակութային վայրերում:


Ծրագիրն իրականացրել են Հայաստանի երիտասարդական հիմնադրամը, Ճարտարապետության և շինարարության Հայաստանի ազգային համալսարանի ուսանողական խորհուրդը՝ ՀՀ պաշտպանության նախարարության հետ համատեղ։


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Search