Շուշի քաղաքում կառուցվում է երեխաների խնամքի և պաշտպանության գիշերօթիկ հաստատության շենք:
Շուշիում կառուցվում է երեխաների խնամքի և պաշտպանության գիշերօթիկ հաստատության շենք
ՍՏԵՓԱՆԱԿԵՐՏ, ՀՈՒԼԻՍԻ 28, ԱՐՑԱԽՊՐԵՍ: ԼՂՀ քաղաքաշինության նախարարության մամլո ծառայության փոխանցմամբ՝ շինությունը եռահարկ է` 3 մասնաշենքերով. շինությունն ունի նաև նկուղային հարկ:
Ըստ նախագծի, առաջին մասնաշենքը նախատեսվում է հաստատության երեխաների ուսումնամեթոդական պարապմունքների համար, երկրորդը` ժամանցայինի, իսկ երրորդը՝ կծառայի որպես կացարան: Բակում կլինի խաղահրապարակ: Այժմ ընթանում են հաստատության տանիքի կառուցման, ներքին հարդարման, հենապատերի ծեփապատման ու երեսպատման աշխատանքները:
Աղբյուրի հաղորդմամբ՝ երեխաների խնամքի և պահպանության գիշերօթիկ հաստատության շինարարությունն սկսվել է 2011 թվականից, որն իրականացվում է «Հայաստան» համահայկական հիմնադրամի և ԼՂՀ պետբյուջեի միջոցների հաշվին. կապալառուն՝ «Նվեր» ՍՊԸ-ն է:
