Artsakhpress

Տնտեսական

«Արցախ ՀԷԿ»-ն ավելացնում է արտադրության ծավալները. ընթացիկ տարում նախատեսվում է ապահովել էլեկտրաէներգիայի սպառման 65 տոկոսը

Անցած տարի հանրապետությունում սպառված մոտ 250-260 մլն կվտ/ժ էլեկտրաէներգիայի 57 տոկոսը կազմել է «Արցախ ՀԷԿ» ԲԲ ընկերության հիդրոէլեկտրակայանների արտադրանքը, իսկ այս տարվա կանխատեսումներով ընկերությունը նախատեսում է ապահովել էլեկտրաէներգիայի սպառման 65 տոկոսը:

«Արցախ ՀԷԿ»-ն ավելացնում է արտադրության ծավալները. ընթացիկ տարում նախատեսվում է ապահովել էլեկտրաէներգիայի սպառման 65 տոկոսը

«Արցախ ՀԷԿ»-ն  ավելացնում է արտադրության ծավալները. ընթացիկ տարում նախատեսվում է ապահովել էլեկտրաէներգիայի սպառման 65 տոկոսը

Անցած տարի հանրապետությունում սպառված մոտ 250-260 մլն կվտ/ժ էլեկտրաէներգիայի 57 տոկոսը կազմել է «Արցախ ՀԷԿ» ԲԲ ընկերության հիդրոէլեկտրակայանների արտադրանքը, իսկ այս տարվա կանխատեսումներով ընկերությունը նախատեսում է ապահովել էլեկտրաէներգիայի սպառման 65 տոկոսը:

Այս մասին «Արցախպրես»-ի թղթակցի հետ զրույցում ասաց «Արցախ ՀԷԿ» ԲԲ ընկերության գլխավոր տնօրեն Վահրամ Բեգլարյանը՝ հավելելով, որ ընկերության ռազմավարական նպատակն է ժամանակակից սարքավորումներով հագեցած նոր հիդրոէլեկտրակայանների շահագործման ճանապարհով ընդլայնել արտադրական հնարավորությունները, որը թույլ կտա ոչ միայն բավարարել հանրապետության էլեկտրաէներգիայի ամբողջ պահանջարկն, այլև արտահանել: Վ. Բեգլարյանի հավաստմամբ, այս ուղղությամբ ընկերությունն, իրականացրել է լայնածավալ ներդրումային ծրագրեր նոր ՀԷԿ-երի կառուցման համար:

«Նախ՝ կապիտալի համալրման նպատակով 2009-2011 թթ. ընթացքում ընկերության կողմից կազմակերպվել է սովորական բաժնետոմսերի 3 հրապարակային տեղաբաշխում, որոնց արդյունքում «Արցախ ՀԷԿ» ԲԲԸ Կանոնադրական կապիտալն աճել է 108 տոկոսով»,- ասաց Վ. Բեգլարյանը՝ նշելով, որ ներկայումս ընկերությունն ունի 1246 բաժնետեր, որոնց թվում ամենախոշոր բաժնետերն է հանդիսանում ԼՂՀ կառավարությունը՝ շուրջ 48 տոկոս բաժնեմասով: «Արցախ ՀԷԿ»-ի ղեկավարի տեղեկացմամբ, Ընկերության կողմից ներգրաված միջոցներն ուղղվել են նոր հիդրոէլեկտրակայանների կառուցմանը, մասնավորապես ստեղծման պահին «Արցախ ՀԷԿ» -ն էլեկտրաէներգիա էր արտադրում միայն Սարսանգի ջրամբարի վրա կառուցված 50 ՄՎտ հզորությամբ «Սարսանգ ՀԷԿ»-ի միջոցով, որի տարեկան միջին արտադրանքը կազմում էր 100 մլն կվտ/ժ, իսկ արդեն 2010-2012թթ. ընթացքում շահագործման են հանձնվել «Թրղի-1» և «Թրղի-2» փոքր և «Մատաղիս-1», «Մատաղիս-2» ՀԷԿ-երը, որի արդյունքում ընկերության ընդհանուր հզորությունն աճել է 33,3 տոկոսով, 50-ից հասնելով 66,7 ՄՎտ-ի, իսկ տարեկան արտադրողականությունն աճել է 63 տոկոսով կազմելով մինչև 170 մլն Կվտ/ժամ:

Անդրադառնալով նոր հէկ-երի կառուցման ծրագրերին գլխավոր տնօրենը տեղեկացրեց, որ անցած տարվանից սկսվել են Ընկերության կողմից կառուցվող 5 ՄՎտ հզորությամբ և տարեկան 16,5 մլն կվտ/ժ միջին արտադրողականությամբ «Թրղե-3» փոքր ՀԷԿ-ի կառուցման աշխատանքները, որը նախատեսվում է շահագործման հանձնել այս տարվա աշնանը. միաժամանակ հավելելով, որ ընկերության կողմից իրականացվող ծրագրերը նպաստում են հանրապետության տնտեսության մյուս ճյուղերի կայուն զարգացմանը:

«Այս տարիների ընթացքում էապես ավելացել է «Արցախ ՀԷԿ» -ի աշխատակիցների թիվը, որն աճելով 71 տոկոսով ներկայումս հասել է մոտ 180-ի՝ 135 հազար դրամ միջին աշխատավարձով»,- ասաց Վ. Բեգլարյանը՝ ավելացնելով, որ նոր հիդրոէլեկտրակայանի շահագործումից հետո աշխատակիցների թիվը կհասնի 200-ի: Վ. Բեգլարյանը նշեց նաև, որ Ընկերության թողարկված բոլոր բաժնետոմսերը ցուցակվում են «Նասդաք Օէմեքս Արմենիա» ֆոնդային բորսայում:



     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հագուստի արտադրությամբ զբաղվող ընկերությունն աշխատանքի է հրավիրում ավելի քան 100 աշխատակիցների

Վիճաբանության հետևանքով երկու հոգի տեղափոխվել են Մարտակերտի շրջբուժմիավորում. գործածվել են ատրճանակներ

Ո՞րն է եղել Շուշիում շմոլ գազից թունավորման պատճառը. պարզաբանում

Առողջապահության նախարարն այցելել է Շուշիում շմոլ գազից թունավորված երեխային

Քաշաթաղի հարավային թևում նոր խոշոր ներդրումային ծրագիր կիրականացվի. Արայիկ Հարությունյան

Արարատ լեռան վրա Նոյյան տապանի հետքեր, որոնք ԱՄՆ ԿՀՎ–ն 50 տարի թաքցրել է. թուրքական թերթ

Հայրենյաց պաշտպանի օրը կնշվի հունվարի 28-ին և կլինի ոչ աշխատանքային

Գազի հաշվիչները կհանվեն բնակարաններից. գործընթացը սկսված է

Թրամփը ստորագրել է ցեղասպանությունների և վայրագությունների կանխարգելման մասին Էլի Վիզելի ակտը. Ամերիկայի Հայ դատի հանձնախումբը ողջունում է քայլը

Search