Artsakhpress

Տնտեսական

«Ապագայի կերտումը չկատարենք ապագայում. այն կերտենք այստեղ և հիմա». Կարեկին Օդաբաշյան

Շատերին է հայտնի, որ «Ղարաբաղ Տելեկոմ» ընկերությունը պարբերաբար թիրախավորում է այն ոլորտները, որոնք աջակցության կարիք ունեն և, ըստ այդմ, իրականացնում տարբեր ծրագրեր կամ ֆինանսավորում այս կամ այն նախաձեռնությունը:

«Ապագայի կերտումը չկատարենք ապագայում. այն կերտենք այստեղ և հիմա». Կարեկին Օդաբաշյան

«Ապագայի կերտումը չկատարենք ապագայում. այն կերտենք այստեղ և հիմա». Կարեկին Օդաբաշյան

ՍՏԵՓԱՆԱԿԵՐՏ, սեպտեմբերի 7, ԱՐՑԱԽՊՐԵՍ: Օրերս Ստեփանակերտում բացված Թումո ստեղծարար տեխնոլոգիաների կենտրոնի շենքի ամբողջական նորոգման ֆինանսավորումը վերը նշվածի հերթական վկայությունն է: «Ղարաբաղ Տելեկոմ»-ը հանուն այդ նպատակի հատկացրել է շուրջ 150 միլիոն ՀՀ դրամ:

Կենտրոնը ստեղծվել է «Սիմոնյան կրթական հիմնադրամի» և Հայկական Բարեգործական Ընդհանուր Միության (ՀԲԸՄ) համագործակցությամբ: Արցախի Հանրապետության Նախագահ Բակո Սահակյանը սեպտեմբերի 2-ին կենտրոնի բացման հանդիսավոր արարողության ընթացքում երախտագիտություն է հայտնել ՀԲԸՄ-ին, «Սիմոնյան» հիմնադրամին և «Ղարաբաղ Տելեկոմ» ընկերությանը հայրենանվեր այս նախաձեռնությունն իրականացնելու համար` նշելով, որ դա մեր հանրապետությունում մարդկային կապիտալի զարգացման գործում լավագույն ներդրումներից է:

Իսկապես, Թումոն եզակի կառույց է լինելու Արցախի 500-ից ավելի 12-18 տարեկան պատանիների համար, որոնք լավագույն մասնագետների շնորհիվ և ժամանակակից ծրագրերի միջոցով կբացահայտեն իրենց մտավոր ներուժի նոր հորիզոնները: Մասնավորապես, կմասնագիտանան հետևյալ հիմնական ոլորտներում՝ անիմացիա, խաղերի ստեղծում, կայքերի մշակում, թվային մեդիա, ինչպես նաև կտիրապատեն տեխնիկական հմտությունների համակարգչային ծրագրավորման, եռաչափ (3D) մոդելավորման և երկչափ (2D) գրաֆիկայի ոլորտներում, արտիստիկ հմտությունների՝ նկարչության, երաժշտության և ստեղծագրության ոլորտներում, մասնագիտական հմտությունների՝ առցանց գրագիտության, հաղորդակցության և համագործակցության ոլորտներում:

Նշենք, որ Թումոյի առաջին կենտրոնը բացվել է Երևանում 2011 թ.-ին, երկրորդը՝ Դիլիջանում 2013 թ.-ին: Այդուամենայնիվ, ըստ Թումոյի, Ստեփանակերտի կենտրոնի սաները կառաջնորդվեն նույն ծրագրով, ինչ իրենց երևանցի դասընկերները և նրանց կդասավանդեն նույն մասնագետները, ինչպես նաև հատուկ դասընթացներով հանդես կգան այլ մասնագետներ ամբողջ աշխարհից:

Վերը նշվածը կնպաստի նոր սերնդի բարձրորակ կրթության ապահովմանը՝ խթանելով Արցախում գիտելիքամետ հասարակության զարգացմանը, ինչը վկայում է «Ղարաբաղ Տելեկոմ»-ի կողմից ռազմավարական նշանակության ծրագրերն աջակցելու շարունակական առաքելության մասին:

«Կրթության ոլորտը հանդիսանում է «Ղարաբաղ Տելեկոմ»-ի թիրախային ուղղություններից մեկը, և կրթության ոլորտում արվող ցանկացած ներդրում, կարելի է ասել՝ արդեն իսկ արդարացված է, որովհետև դա ներդրում է ապագայի համար, լուսավոր ապագայի համար»,-«Արցախպրես»-ի հետ զրույցում ասաց «Ղարաբաղ Տելեկոմ» ընկերության գլխավոր տնօրեն Կարեկին Օդաբաշյանը:

Ըստ Օդաբաշյանի, Թումոն և նմանատիպ նախաձեռնությունները կոչված են բարձրացնելու մեր մրցունակության նշաձողը աշխարհում: «Մեր երեխաներն այժմ հնարավորություն ունեն ստանալ նորագույն կրթություն, զարգացնել ստեղծագործական առաջադեմ կարողություններ և լինել առաջինների շարքում ոչ միայն տարածաշրջանում, այլև ողջ աշխարհում»,-նշեց նա:

«Այսօրինակ նախաձեռնություններում մենք առաջնորդվում ենք մի պարզ ճշմարտությամբ. ապագայի կերտումը չկատարենք ապագայում. այն կերտենք այստեղ և հիմա»,-ասաց Կարեկին Օդաբաշյանը:

Նշենք, որ միայն նախորդ տարվա ընթացքում «Ղարաբաղ Տելեկոմ»-ը ավելի քան 1 միլիարդ ՀՀ դրամի չափով աջակցություն է ցուցաբերել տարբեր ոլորտներին, ներառյալ առողջապահությունը, կրթությունը, եկեղեցաշինությունը, ուժային կառույցների համակարգը, ինչպես նաև «Արցախի ազգային վիճակախաղին» և այլ նախաձեռնություններին՝ նպատակ ունենալով խթանել Արցախի վերաբնակեցումը:


     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search