Ստեփանակերտի «Սոֆիա» կենտրոնի կինոսրահում նախօրեին տեղի է ունեցել ռեժիսոր Ջիվան Ավետիսյանի «Թևանիկ» գեղարվեստական ֆիլմի պրեմիերան, որը երեք մասով պատմում է Արցախյան պատերազմին մասնակից երեք ընկերների մասին։
Ստեփանակերտում տեղի է ունեցել «Թևանիկ» ֆիլմի պրեմիերան
Ստեփանակերտի «Սոֆիա» կենտրոնի կինոսրահում նախօրեին տեղի է ունեցել ռեժիսոր Ջիվան Ավետիսյանի «Թևանիկ» գեղարվեստական ֆիլմի պրեմիերան, որը երեք մասով պատմում է Արցախյան պատերազմին մասնակից երեք ընկերների մասին։
Պրեմիերային մասնակցում էր նաև ԼՂՀ նախագահ Բակո Սահակյանը, Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ Անվտանգության խորհրդի քարտուղար Մարատ Մուսայելյանը, Մշակույթի և երիտասրդության հարցերի նախարար Նարինե Աղաբալյանը, պաշտոնատար այլ անձինք:
«Արցախպրես»-ի թղթակցի հետ զրույցում ռեժիսոր Ջիվան Ավետիսյանն ասաց, որ Արցախում կամ Հայաստանում ֆիլմ ստեղծելը շատ դժվար է, բայց «Թևանիկ»-ը իսկապես հաջողվել է։ «Ես իմ ֆիլմով պատմում եմ ոչ միայն Ղարաբաղի, այլև պարզապես մարդու մասին, նրա հոգեկան ապրումների ու վիճակի մասին։ Ֆիլմի հերոսներին կարելի է փնտրել իրական կյանքում, որոնց միջոցով ես ուզում էի պատմել պատերազմական ժամանակների ու մարդկանց ճակատագրերի և խաղաղության մասին»,-ասաց երիտասարդ ռեժիսորը։
Նշենք, որ «Թևանիկն» առաջին անգամ ցուցադրվել է Կաննի միջազգային կինոփառատոնին, արժանացել հայտնի պրոդյուսերների, կինոռեժիսորների համակրանքին: Ֆիլմի հիմնական լեզուն Արցախի բարբառն է։