Artsakhpress

Տնտեսական

Գյուղնախարարն ամփոփել է պաշտոնավարման 100 օրը

Այսօր ԼՂՀ գյուղատնտեսության նախարար Արամ Մխոյանը, պաշտոնավարման 100 օրվա լրանալու կապակցությամբ, ասուլիս է հրավիրել։

Գյուղնախարարն ամփոփել է պաշտոնավարման 100 օրը

Գյուղնախարարն ամփոփել է պաշտոնավարման 100 օրը

ՍՏԵՓԱՆԱԿԵՐՏ, նոյեմբերի 4, ԱՐՑԱԽՊՐԵՍ: Նշելով, որ ոլորտում իրականացված բազմաթիվ ծրագրերին զուգահեռ՝ դեռևս առկա են բազմաթիվ ու բազմաբնույթ խնդիրներ՝ գյուղնախարար Ա. Մխոյանը կարևորել է նոր և բերքատու մշակաբույսերի ներդրման, դրանց գրագետ մշակման մեթոդների ուսուցման և արդի տեխնոլոգիաների կիրառման նշանակությունը գյուղատնտեսության զարգացման գործում։

Ա. Մխոյանի խոսքով՝ այդ ծրագրերի իրագործման նպատակով՝ գյուղնախարարության մասնագետներն առավել հաճախակի կհանդիպեն հողօգտագործողների հետ՝ նրանց ցուցաբերելով անհրաժեշտ մասնագիտական խորհրդատվություն և աջակցություն։ Նախարարության կողմից բազմակողմանի աջակցություն կցուցաբերվի բոլոր նրանց, ովքեր կզբաղվեն բարձր բերքատվություն ունեցող բույսերի նոր տեսակների մշակմամբ։ Նոր մշակաբույսերի զարգացման ծրագիրը ներառում է, մասնավորապես, նռան, թզի և պիստակենու նոր տեսակների մշակումը։ Ներկայացնելով առկա խնդիրների լուծման իր տեսլականը՝ գյուղոլորտի ղեկավարը շեշտադրել է, որ դրանց լուծմանն ուղղված ծրագրերի մշակման և իրագործման ընթացքում հաշվի է առնվելու առաջին հերթին լուրջ կորուստներից ու սխալներից խուսափելու հանգամանքը։ Բացի այդ, ծրագրերը կիրագործվեն սեղմ, խելամիտ ժամկետներում՝ արդյունավետ ու ռացիոնալ օգտագործելով ունեցած հնարավորությունները։

Գյուղնախարարն անելիքներից կարևորել է հատկապես ոռոգման ցանցի արդիականացումը, ընդլայնումն ու բարելավումը. նախարարությանը հատկացված միջոցների մեծ մասը կուղղվի նոր պոմպակայանների, անձրևային, կաթիլային ոռոգման համակարգերի ներդրմանն ու ջրամբարների կառուցմանը։

Անդրադառնալով անասնապահության ճյուղի զարգացման ծրագրերին՝ նախարար Ա. Մխոյանն ասել է, որ, ի թիվս նախատեսվող այլ միջոցառումների, այսուհետ էլ կշարունակվի ֆերմերներին տոհմային ցուլեր տրամադրելու գործընթացը։ Նախարարի խոսքով՝ գյուղատնտեսության զարգացումը խթանելու համար ներկայումս աշխատանքներ են տարվում վերամշակման նոր ճյուղերի ստեղծման ուղղությամբ։ Գյուղատնտեսական արտադրանքի վերամշակմամբ զբաղվելու կարևոր նախադրյալներից նախարար Ա. Մխոյանը հատկանշել է այն գործոնը, որ կառավարության որոշմամբ՝ վերամշակող տնտեսվարողներն ավելացված արժեքի հարկ չեն վճարում։

Ամփոփելով խոսքը՝ Ա. Մխոյանն ընդգծել է, որ բոլոր խնդիրների լուծմանն ու ծրագրերի արդյունավետ իրագործմանը հասնելու նպատակով՝ գյուղնախարարությունն իր քաղաքականության հիմքում դնելու է բնագավառում արհեստավարժ և փորձառու կադրեր ընդգրկելու աշխատելաոճը:


     

Քաղաքական

Հասարակական

Ռազմական

Զորակոչվող բոլոր քաղաքացիները պատշաճ կարգով անցնում են առողջական վիճակի զննության անհրաժեշտ բոլոր հետազոտությունները. ՀՀ ՊՆ

Ի պատասխան զորակոչի և դրան հաջորդող շրջանում տեղ գտած որոշ հրապարակումների` Պաշտպանության նախարարությունը տեղեկացնում է, որ պարտադիր զինվորական ծառայության զորակոչվող բոլոր քաղաքացիները մինչև զորակոչվելը պատշաճ կարգով անցնում են առողջական վիճակի զննության անհրաժեշտ բոլոր հետազոտությունները, և իրավասու բժշկական հանձնաժողովների կողմից նրանց պիտանիության վերաբերյալ եզրակացությունները կայացվում են՝ ՀՀ կառավարության 2018 թվականի ապրիլի 12-ի N 404-Ն որոշման հավելված 1-ով հաստատված զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների ցանկին համապատասխան։

ՀՀ ԶՈՒ-ն կրակ չի բացել ադրբեջանական դիրքերի ուղղությամբ. ՊՆ-ն հերքում է Ադրբեջանի տարածած տեղեկատվությունը

Ադրբեջանի պաշտպանության նախարարության հաղորդագրությունն այն մասին, թե փետրվարի 16-ին՝ ժամը 12:50-ին, Հայաստանի Հանրապետության ԶՈՒ ստորաբաժանումներն իբր կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, ապատեղեկատվություն է:

Տեսանյութեր

ավելին

Ամենադիտված

ամիս

շաբաթ

օր

Ադրբեջանը ոչնչացրել է ստեփանակերտցիների մանկության խորհրդանիշ Արծվի հուշարձանը

Պանդորա Մկրտչյանը շարունակում է Արցախում ապրել միայնակ․ նա երեկ զանգել է հարազատներին

Առողջապահության ազգային ինստիտուտում ԼՂ-ից բռնի տեղահանվածերին մատուցվում են անվճար ստոմատոլոգիական ծառայություններ

ԼՂ-ից բռնի տեղահանվածների աջակցության սահուն շարունակության համար նոր ծրագրեր են քննարկվում և մշակվում

ԼՂ-ից տեղահանվածները կարող են հաշվառվել փաստացի բնակության հասցեում, եթե նույնիսկ սեփականատերը համաձայնություն չի տվել

Փոխանակման կետերում դոլարը, եվրոն և ռուբլին էժանանում են

ԱՄՆ կատարած այցը հստակ ուղերձ ուներ՝ բոլորին ցույց տալու և ասելու, որ մենք չենք համարում, որ Արցախի թեման փակված է. Գեղամ Ստեփանյան

2024 թվականին Հայաստանը Բաքվի և Մոսկվայի ուժեղ ճնշման տակ է լինելու. Թոմ դե Վաալ

Ադրբեջանի մշակութային ցեղասպանության հերթական զոհը Ալեք Մանուկյանի արձանն է Ստեփանակերտում

Search