Այսօր ԼՂՀ գյուղատնտեսության նախարարությունում անց է կացվել խոզաբուծության զարգացման ծրագրին հայցորդ տնտեսվարողների համար կազմակերպված սեմինար խորհրդակցություն:
Topigs Norsvin ընկերության մասնագետներն Արցախում ներկայացրել են խոզաբուծության զարգացման առաջատար տեխնոլոգիաները
ՍՏԵՓԱՆԱԿԵՐՏ, նոյեմբերի 11, ԱՐՑԱԽՊՐԵՍ: ԼՂՀ գյուղնախարարության մամլո ծառայության փոխանցմամբ՝ GARD Agro Servise կազմակերպության հրավերով Արցախ ժամանած հոլանդա-դանիական Topigs Norsvin համատեղ ընկերության մասնագետներն անդրադարձել են խոզաբուծության զարգացման առաջատար տեխնոլոգիաներին և պատասխանել առաջադրված հարցերին:
ԼՂՀ գյուղնախարար Արամ Մխոյանը կարևորել է նման հանդիպումների նշանակությունը և կոչ արել ներկաներին իրենց գործունեության մեջ հիմք ընդունել աշխարհում արդեն բարեհաջող քննություն անցած նոր տեխնոլոգիաներն ու մոտեցումները, որոնք տնտեսապես ավելի ձեռնտու են ու կարող են հիմք հանդիսանալ գործունեությունն ավելի արդյունավետ դարձնելու համար:
ԼՂՀ ԳՆ անասնաբուծության և անասնաբուժության վարչության պետ ՆորայրՄուսայելյանը հանդես է եկել դասախոսությամբ, որը վերաբերել է խոզերի կերակրման, խնամքի և պահվածքի առանձնահատություններն ու կանխարգելիչ միջոցառումների իրականացման արդյունավետ մեխանիզմերին:
