Սննդամթերքի անվտանգության պետական ծառայությունում (ՍԱՊԾ) (047)96-01-30 հեռախոսահամարով դեկտեմբերի 3-ից գործում է թեժ գիծ:
ՍԱՊԾ-ն սպառողներին թեժ գիծ է առաջարկում. «Արցախպրես»-ին մանրամասներ է հայտնել ծառայության պետը
ՍՏԵՓԱՆԱԿԵՐՏ, դեկտեմբերի 3, ԱՐՑԱԽՊՐԵՍ: «Արցախպրես»-ի թղթակցի հետ զրույցում ԼՂՀ գյուղատնտեսության նախարարության սննդամթերքի անվտանգության պետական ծառայության պետ Լևոն Սարգսյանը նշել է, որ սկզբնական շրջանում թեժ գիծը գործելու է միայն աշխատանքային ժամերին` 9:00-18:00-ն:
«Քանի որ ՍԱՊ ծառայության հիմնակամ խնդիրն է խանութներում ժամկետանց ապրանք- ների հայտնաբերելը, ծառայության աշխա- տակիցներն անցած տարվանից մինչ այսօր օրը 2-3 անգամ խանութներում դի- տարկում են իրականացնում` հայտ- նաբերելով և ոչնչացնելով ժամկետանց ապ- րանքներ: Այդ առումով մենք ունենք լուրջ հաջողություններ։ Այս զարգացումը մեզ թույլ է տալիս, որ հետագայում մեր դիտարկումները լինեն ավելի արդյունավետ ,-ասել է Լ. Սարգսյանը և հավելել։-Թեժ գծի գլխավոր նպատակն է՝ յուրաքանչյուր դիտարկում լինի թիրախային, այսինքն՝ դիտարկման ընթացքում համոզված լինենք, որ տվյալ խանութում առկա է ժամկետանց սննդամթերք:
Ծառայության կանոնադրության սկզբունքներից են թափանցիկությունը և վստահ տեղեկատվության սկզբունքը, որոնցով նաև ապահովում ենք հետադարձ կապը: Բացի դրանից, մոտ 100 խոշոր և միջին խանութներում սկզբնական շրջանում պլանավորել ենք, հատկապես դրամարկղի մուտքի մոտ, պաստառներ կպցնել, որպեսզի սպառողները կարողանան զանգահարել ծառայություն` հայտնելու համար իրենց բողոքները»:
Լ. Սարգսյանի խոսքով` զանգահարելու դեպքում սպառողը պարտադիր պետք է հայտնի իր անուն- ազգանունը և այն հեռախոսահամարը, որից զանգահարել է։ ՍԱՊ ծառայության աշխատողը ընդունելու է թեժ գծի զանգերը` իրազեկվելով տեսչությանը առնչվող բողոքներին և համապատասխանաբար հաղորդելու է ըստ տեսչության բաժինների, որից հետո համապատասխան տեսչությունն օպերատիվ կերպով բաղոք-հարցերին էլ լուծում կտա:
«Ընդհանուր առմամբ, քաղաքացիները պետք է զանգահարեն այն դեպքում, երբ հանդիպել են ժամկետանց սննդամթերքի, երբ սննդամթերքի փաթեթավորման կամ տարայի վրա պիտանելիության ժամկետը բացակայում է կամ էլ այն ընթեռնելի չէ և կամ էլ փաթեթների վրա առկա մակնշումներն անընթեռնելի են:
Թեժ գծի կարևոր նպատակներից է նաև սպառողների միջոցով ծառայության հսկողությունը ավելի բարձրացնելը, քանի որ մեր նպատակն է ապահովել ողջ հասարակության սննդի անվտագությունը»,- մանրամասնել է Լ. Սարգսյանը և ավելացրել, որ յուրաքանչյուր շաբաթվա աշխատանքնային վերջին օրը ծառայության աշխատակիցները վերլուծելու են տարվող աշխատանքների արդյունքները՝ առանձնացնելով այն ապրանքախմբերը, որոնցից հաճախակի են բողոքներ լինում:
«Սկզբնական շրջանում հնարավոր է լինեն ակտիվ կամ պասիվ զանգեր, որոնք, կարծում եմ, մի քանի ամսից կկարգավորվեն: Նշեմ նաև, որ տոնական օրերին ծառայությունն իրականացնում են հերթապահ տեսուչները,-ասել է Լ. Սարգսյանը և ընդգծել,- հետագայում հնարավոր է, որ թեժ գիծը նաև մատուցի շուրջօրյա ծառայություն, որի իրականացման համար անհրաժեշտ կլինեն որոշակի տեխնիկական ռեսուրսներ ևս»: