Artsakhpress

Հասարակական

Որոտան քաղաքը լուրջ խնդիրներ ունի. համայնքի ղեկավար

Քաշաթաղի շրջանի Որոտան քաղաքային համայնքի բնակչության հիմնական զբաղմունքն անասնապահությունն ու հողագործությունն է:

Որոտան քաղաքը լուրջ խնդիրներ ունի. համայնքի ղեկավար

Որոտան քաղաքը լուրջ խնդիրներ ունի. համայնքի ղեկավար

ՍՏԵՓԱՆԱԿԵՐՏ, հունվարի 13, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում նշել է Որոտանի համայնքի ղեկավար Վրույր Ասրյանը և հավելել որ համայնքում կա 200 խոշոր և մոտ 5000 մանր եղջերավոր անասուններ:

Վ. Ասրյանի հաղորդմամբ՝ այս տարվա բերքի տակ համայնքում կատարվել է 600 հա աշնանացան, որից 480-ը՝ ցորեն , 100-ը` գարի:

«Որոտանը հիմնադրվել է 2013 թվականին և ներկայումս լուրջ խնդիրներ ունի: Բնակչության թիվը հասնում է 630 –ի: Համայնքում դպրոց չի գործում, որի պատճառով էլ դպրոցականները, որոնց թիվը հասնում է 90-ի, հաճախում են հարևան Հայկազյան համայնքի կրթօջախ: Որոտանը 90 նախադպրոցական տարիքի երեխա ունի , սակայն չկա մանկապարտեզ , որը շարունակում է քաղաքային համայնքի առաջնահերթ խնդիրներից մեկը մնալ,-ասել է Վ. Ասրյանը և ավելացրել,- համայնքում ծնելիության աճը դրական միտում ունի, մասնավորապես անցած տարի ունեցել ենք 8 ծնունդ»:

Անդրադառնալով համայնքի խնդիրներին՝ Վ. Ասրյանն ընդգծել է, որ քաղաքի ներհամայնքային ճանապարհները գտնվում են անմխիթար վիճակում: «Քաղաքը գազաֆիկացված չէ, անհասանելի են Արցախի հանրային հեռուստատեսության հաղորդումները, լուրջ խնդիր է նաև ոռոգման ջրի բացակայությունը»,-խոսքն ամփոփել է համայնքի ղեկավարը:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախի հյուսիսային և հյուսիսարևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի. ՊԲ

Հանրապետությունում հայտարարվել է մասնակի զորահավաք  

Անհանգստանալու եւ խուճապի մատնվելու կարիք չկա. միայն խնդրում եմ հետեւել բացարձակապես պաշտոնական լրահոսին եւ սադանքների չտրվել

Ադրբեջանական սադրանքի հետևանքով հայկական կողմն ունի մեկ վիրավոր. նրա վիճակը գնահատվում է բավարար

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

Մեկնարկել է 40 հազար դրամի չափով աջակցության հայտերի ընդունումը

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Արցախի այս կամ այն հատվածում ընթացող թեժ մարտերի մասին շրջանառվող տեղեկություններն իրականությանը չեն համապատասխանում. ՊԲ

Նախագահ Հարությունյանն ուժային կառույցների պատասխանատուների մասնակցությամբ խորհրդակցություն է հրավիրել

Search