Սիրիական Հալեպ նահանգում մարտերի ընթացքում կառավարական ուժերը 15 T-90 տանկ են օգտագործել, որը որպես ռազմական աջակցություն ստացել են Ռուսաստանից:
Հալեպի մարտերում կառավարական զորքերը 15 ռուսական T-90 տանկ են օգտագործել. ազատագրվել է Խարդտնինը (տեսանյութ)
ՍՏԵՓԱՆԱԿԵՐՏ, փետրվարի 2, ԱՐՑԱԽՊՐԵՍ: Այս մասին գրում է «Ռազմական տեղեկատու»-ն:
Պարբերականի փոխանցմամբ, ռուսական տանկերը փոխանցվել են Սիրիական բանակի զինված ուժերի էլիտար ստորաբաժանումներին, որոնք ներկայում ռուսական օդատիեզերական ուժերի եւ ժողովրդական ապստամբական ջոկատների հետ համատեղ Հալեպում սեղմում են զինյալների շուրջ օղակը:
Ըստ ՍԱՆԱ գործակալության, համատեղ ուժերով հաջողվել է Հալեպի հյուսիսում գտնվող Խարգտնին բնակավայրում վերականգնել անվտանգությունն ու կայունությունը:
Նշենք, որ նախօրեին էլ զինյալներից ազատագրվել էին նահանգի հյուսիսային Դուվեյր ազ-Զեյթուն եւ Թել Ջուբեյն բնակավայրերը: