ԱՄՆ հետախուզությունը չի բացառում 2016թ. ղարաբաղյան հակամարտության սրման հնարավորությունը։
ԱՄՆ-ում չեն բացառում 2016թ. ղարաբաղյան հակամարտության սրման հնարավորությունը
ՍՏԵՓԱՆԱԿԵՐՏ, փետրվարի 10, ԱՐՑԱԽՊՐԵՍ: Նման կարծիք է հնչել ԱՄՆ ազգային հետախուզության տնօրեն Ջեյմս Քլեփերի՝ նախօրեին ներկայացրած հաշվետվության մեջ։
NEWS.am-ի փոխանցմամբ՝ մասնավորապես նշվում է, որ «Լեռնային Ղարաբաղի հարցի շուրջ Հայաստանի եւ Ադրբեջանի միջեւ լարվածությունը 2015թ. բարձր է մնացել։ Բաքվի կողմից ռազմական ներուժի մեծացումը Ադրբեջանում տնտեսական պայմանների անկման համադրությամբ մեծացնում է 2016թ. հակամարտության պոտենցիալ սրման հավանականությունը։ Բաքվում Լեռնային Ղարաբաղի նկատմամբ իրենց հավակնություններից հրաժարվելու ցանկության բացակայությունը եւ Հայաստանի կողմից իր վերահսկողության տակ գտնվող տարածքներից չհրաժարվելը շարունակվելու է, ինչը բարդացնում է խաղաղ կարգավորման գործընթացը»։