Անցած տարի հանրապետությունում գյուղատնտեսական մշակաբույսերի ցանքատարածությունների ընդհանուր մակերեսը կազմել է 52 հազար 210 հեկտար, ընդ որում՝ ընդհանուր ցանքատարածքներում աշնանացան մշակաբույսերի ցանքատարածքները կազմել են 40 հզ. 654 հեկտար, իսկ գարնանացանինը՝ 11 հզ. 556 հեկտար:
Անցած տարի ցանքատարածքները նվազել են՝ միջին բերքատվությունը՝ կրկնակի աճել . ԼՂՀ գյուղնախարար
ՍՏԵՓԱՆԱԿԵՐՏ, փետրվարի 16, ԱՐՑԱԽՊՐԵՍ: Այդ մասին այսօր կայացած մամլո ասուլիսում տեղեկացրել է ԼՂՀ գյուղատնտեսության նախարար Արամ Մխոյանը՝ ներկայացնելով 2015 թվականին գյուղատնտեսության բնագավառում իրականացված աշխատանքները: Գյուղնախարարի խոսքով՝ 2014 թվականի համեմատ անցած տարի ընդհանուր ցանքատարածքները նվազել են 15 հզ. 456 հեկտարով կամ 22.8 տոկոսով, այդ թվում աշնանացան մշակաբույսերի ցանքատարածքները նվազել են ՝10 հզ. 274 հեկտարով կամ 20.2 տոկոսով, գարնանացան մշակաբույսերինը՝ 5182 հեկտարով կամ 31տոկոսով:
Անցած տարվա ցանքատարածքների գերակշռող մասը` 48 հզ. 304 հեկտարը կամ 92.5 տոկոսը, կազմել են հացահատիկային մշակաբույսերի տարածքները: Ընդ որում՝ 2014-ի համեմատ, հացահատիկայինների ցանքատարածքները նվազել են 12 հզ. 580 հեկտարով կամ 20.7 տոկոսով: « Հանրապետությունում ցանված հացահատիկային մշակաբույսերի 48 հզ. 304 հեկտար տարածքներից (ներառյալ եգիպտացորեն), ըստ օպերատիվ տվյալների, անցած տարի փաստացի հնձվել է 45 հզ 605.5 հեկտար կամ ցանված տարածքների 94.4 տոկոսը: Կալսվել է 120 հզ. 157.2 տոննա հացահատիկ, միջին բերքատվությունը հեկտարից կազմել է 26.3 ցենտներ:
Նախորդ տարվա համեմատ 2015 թվականին հացահատիկային մշակաբույսերի համախառն բերքը աճել է 52 հզ. 795.3 տոննայով կամ 78 տոկոսով, իսկ մեկ հեկտարի միջին բերքատվությունն աճել է 13.6 ցենտներով կամ 2.1 անգամ»,-ասել է Ա. Մխոյանը: Նրա հաղորդմամբ՝ ընդհանուր առմամբ, հնձվել է՝ 23 հզ 468.4 հա ցորեն՝ միջին բերքատվությունը 27.7 ց/հա, 17 հզ. 898.3 հա գարի՝ միջին բերքատվությունը՝ 25.8 ց/հա, 2708.4 հա հաճար՝ 18.7 ց/հա-ից, և 1530.4 հա եգիպտացորեն ՝ 25.6 ց/հա-ից միջին բերքատվությամբ :
Կալսվել է 65 հզ. 68 տոննա ցորեն, 46 հզ. 114.9տ. գարի, 5061.9 տ. հաճար և 3912.3 տ. եգիպտացորեն: Բացի այդ, 2015 թ. եգիպտացորենի տակ ցանված տարածքներից 477 հա-ը հնձվել է սիլոսի համար, որից հավաքվել է 5118.7 տոննա բերք, միջին բերքատվությունը կազմել է 107.3 ց/հա, իսկ 397.4 հեկտար արևածաղկի ցանքատարածքներից հնձվել է 363.1 հա, հավաքվել է 365 տոննա արևածաղկի հատիկ և 39.5 տոննա` սիլոսի համար, միջին բերքատվությունը կազմել է, համապատասխանաբար, 11.1 և 11.6 ց/հա:
Հաշվետու տարում հանրապետությունում առկա՝ բերքահավաքի ենթակա 1468.2 հա խաղողայգիներից հավաքվել է 1287.6 հա տարածք, համախառն բերքը կազմել է 12 հզ. 921.5 տոննա, միջին բերքատվությունը` 100.4 ց/հա: Նախորդ տարվա համեմատ, բերքահավաք իրականացված տարածքները նվազել են 727.6 հեկտարով կամ 36.1 տոկոսով, սակայն 7540.3 տոննայով կամ 2.4 անգամ աճել է համախառն բերքը. մեկ հեկտարի միջին բերքատվությունն էլ ավելացել է 73.7 ցենտներով կամ 3.8 անգամ:
