ԼՂՀ գյուղատնտեսության նախարարության օպերատիվ տվյալների համաձայն՝ հանրապետությունում այս տարվ բերքի տակ կատարվել է 57 հազար 964.1 հեկտար հերկ և ցանվել է 54 հզ. 595.6 հեկտար աշնանացան հացահատիկ:
Այս տարվա բերքի տակ կատարված աշնանացանի աշխատանքները իրականացվել են ագրոժամկետների համաձայն. Արամ Մխոյան
ՍՏԵՓԱՆԱԿԵՐՏ, փետրվարի 10, ԱՐՑԱԽՊՐԵՍ: Այսօր կայացած մամլո ասուլիսում այդ մասինտեղեկացրել է ԼՂՀ գյուղատնտեսության նախարար Արամ Մխոյանը և նշել, որ այս տարվա աշնանացանի աշխատանքները կատարվել են ագրոժամկետների համաձայն:
«Անցած տարվա սեպտեմբերից հանրապետությունում մեկնարկեցել են 2016 թվականի աշնանացանի աշխատանքները: Հարկ է նշել, որ վերջին տարիների համար աննախադեպ ձեռքբերում էր աշնանացանը ժամանակին ավարտելը: Համեմատության համար նշեմ, որ 2014 թ. 45 հազար հա-ի վրա իրականացված աշնանացանի աշխատանքներն ավարտվել էին հունվարին, իսկ այս տարի այդ աշխատանքները նույն տարածքի վրա՝ նոյեմբերի 30-ին»,-մանրամասնել է գյուղնախարարը:
Նրա խոսքով՝ այս տարվա աշնանացանի իրականացման համար հողօգտագործողներին, որպես պետական աջակցություն, սուբսիդավորված գներով տրամադրվել է նաև ավելի քան 867 տոննա դիզելային վառելիք: Բացի այդ, Ա. Մխոյանի հավաստմամբ՝ 2016-ին կշարունակվեն սերմերի արժեքի սուբսիդավորման, ենթաշրջանային, արտեզյան ջրհորների, հակահրդեհային միջոցառումների, դաշտամիջյան ճանապարհների վերանորոգման, բազմամյա կերային խոտաբույսերի մշակության, մեխանիկական եղանակով ջրի մատակարարման համար ծախսված էլեկտրաէներգիայի արժեքի սուբսիդավորման ծրագրերի իրականացումը:
Կմեկնարկվեն նաև մի շարք նոր ծրագրեր, որոնցից են թթայգիների զարգացումը, գարնանացան մշակաբույսերի ցանքաշրջանառության ծրագրերի խթանումը, ջրախնայողական տեխնոլոգիաների ներդրման խթանումը և ջրամբարների, ջրանցքների, ջրատարների վերանորոգման, վերականգնման և պահպանման ծրագրերը: