Փետրվարի 28-ին Մարտակերտ քաղաքում և շրջանի գյուղական համայնքներում սումգայիթյան զոհերի հիշատակին նվիրված միջոցառումներ են անցկացվել:
Մարտակերտում այսօր հարգել են սումգայիթյան զոհերի հիշատակը
Փետրվարի 28-ին Մարտակերտ քաղաքում և շրջանի գյուղական համայնքներում սումգայիթյան զոհերի հիշատակին նվիրված միջոցառումներ են անցկացվել:
Ինչպես «Արցախպրես»-ին տեղեկացրեց Մարտակերտի շրջանային «Ջրաբերդ» պաշտոնաթերթի խմբագիր Լուսինե Զաքարյանը, այսօր շրջվարչակազմի ղեկավար Վլադիկ Խաչատրյանի գլխավորությամբ սումգայիթյան զոհերի հիշատակը հարգել են շրջվարաչակազմի աշխատակազմի, հիմնարկ-ձեռնարկությունների եւ ուժային կառույցների աշխատողները, քաղաքի հանրակրթական դպրոցների ուսուցիչներն ու աշակերտները, ՊԲ տեղի զորամասերի սպայակազմը` զինվորների հետ եւ քաղաքի հանրությունը: Նրանք ծաղիկներ են դրել Սումգայիթի զոհերի հիշատակին կառուցված հուշակոթողին:
Աղբյուրի տեղեկացմամբ, Մարտակերտի Սուրբ Կարապետ եկեղեցու քահանա Տեր Բարսեղ Անդրյանը հոգեհանգստյան կարգ է կատարել՝ անմեղ զոհերի հոգու խաղաղության համար: