Այսօր առավոտյան մի քանի տասնյակ մոնրեալցիներ ուղևորվել են Կանադայի մայրաքաղաք Օտտավա, որպեսզի մասնակցեն Հայոց ցեղասպանության 101-րդ տարելիցին նվիրված արարողություններին:
Կանադայի հայերը բողոքի երթ են կազմակերպելու դեպի Թուրքիայի դեսպանատուն
ՍՏԵՓԱՆԱԿԵՐՏ, 24 ապրիլի, ԱՐՑԱԽՊՐԵՍ: Այս մասին գրում է կանադական «CBC News» պարբերականը:
Նրանք միանալու են մյուս հայերին Պառլամենտական բլրի վրա, որից հետո երթով շարժվելու են դեպի Կանադայում Թուրքիայի դեսպանատան շենքը, որտեղ նրանք իրենց բողոքն են արտահայտելու՝ընդդեմ Թուրքիայի ժխտողական քաղաքականության՝ պահանջելով Օսմանյան կայսրությունում հայերի զանգվածային կոտորածները ճանաչել որպես Ցեղասպանություն:
«Սա ինչ-որ տեղ ուխտագնացություն է»,-պարբերականի հետ զրույցում նշել է Կանադայի հայկական կոմիտեյի անդամ Լորի Աբրակյանը:
«Ամեն տարի մենք հավաքվում ենք Օտտավայում: Սա այն ճանապարհն է, որով մեր հարգանքի տուրքն ենք մատուցում Հայոց ցեղասպանության զոհերին: Այսպիսով մենք նաև փորձում ենք ցույց տալ, որ հայերը դեռ գոյություն ունեն, նրանք ողջ են ու շարունակում են արդարություն պահանջել՝ հանուն բոլոր զոհերի»,-նշել է Աբրակյանը