Artsakhpress

Հասարակական

Մոսկվայում գործող «Հույսի ցուցակ» և «ВИВА» կազմակերպություններն իրենց օժանդակությունն են բերել Արցախին

Լսելով ապրիլյան քառօրյա պատերազմի մասին՝ որպես հայ մարդիկ՝ շատ անհանգստացանք ու փորձեցինք համախմբվել ու աջակցել Արցախին:

Մոսկվայում գործող «Հույսի ցուցակ» և «ВИВА» կազմակերպություններն իրենց օժանդակությունն են բերել Արցախին

Մոսկվայում գործող «Հույսի ցուցակ» և «ВИВА» կազմակերպություններն իրենց օժանդակությունն են բերել Արցախին

ՍՏԵՓԱՆԱԿԵՐՏ, 13 մայիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասաց «ВИВА» (Врачи И Волонтеры Армении) բարեգործական կազմակերպության նախաձեռնողներից մոսկվաբնակ Նարինե Դավթյանն, ով այս օրերին գտնվում է Ստեփանակերտում:

«Ամեն օր այս կազմակերպությունների անդամներով  առանձին  հավաքվում և քննարկում էինք, թե ինչպիսի օգնություն ցուցաբերենք, որպեսզի օգտակար լինի մեր օժանդակությունը: Այդ քննարկումներին մասնակցում էին Մոսկվայում գործող «Հույսի ցուցակ» և «ВИВА» (Врачи И Волонтеры Армении) բարեգործական կազմակերպությունների ներկայացուցիչները»,- ասաց Ն. Դավթյանը:

Նրա խոսքով, քանի որ «ВИВА» (Врачи И Волонтеры Армении) բարեգործական կազմակերպության անդամները (մոտ 1700 անդամ, ստեղծվել է ընթացիկ տարվա ապրիլի 7-ին) բժշկական ուղղվածություն ունեն, խորհրդակցելով Արցախի բժշկական կենտրոնների ղեկավարների հետ՝ ցուցաբերել են բժշկական օգնություն:

«Կազմակերպությունը մոտ 40 հազար ամերիկյան դոլարի նվիրատվություն է կատարել, որով Արցախի համար ձեռք ենք բերել «ՈՒԱԶ» մակնիշի մեկ շտապօգնության մեքենա և տարբեր տեսակի թանկարժեք դեղորայքներ և բժշկական սարքավորումներ»,- ասել է Ն. Դավթյանը՝ ավելացնելով, որ այս բարեգործությունը շարունակական բնույթ է ունենալու:

Ն. Դավթյանի խոսքով, բացի նշվածից իր մի քանի մոսկվահայ ընկերների հետ 24 հազար ամերիկյան դոլար են փոխանցել ԼՂՀ կառավարության կողմից բացված հատուկ հաշվեհամարին:

Մեր զրուցակցի տեղեկացմամբ` «Հույսի ցուցակ» (ստողծվել է 2010 թվականին և ունի 2000-ից ավել անդամ) կազմակերպությունը ևս անմասն չի մնացել աջակցություն տրամադրելուց. ՊԲ զինծառայողների համար բերել են կենցաղային և տեխնիկական միջոցներ: Նաև այդ կազմակերպության օժանդակությամբ Ստեփանակերտի՝ «Քերոլայն Քոքսի անվան վերականգնողական կենտրոն»-ի համար ձեռք են բերվել բժշկական պարագաներ, ինչպես նաև բազմազավակ ընտանիքներին տարբեր տեսակի օգնություններ են ցուցաբերել:

«Մենք ցավում ենք բոլոր այն քաջարի հերոսների համար, ովքեր իրենց կյանքը զոհեցին հանուն հայրենիքի: Մենք հպարտ ենք մեր ժողովրդով, որովհետև կյանքի գնով են պաշտպանում հող հայրենին: Եթե անկեղծ լինեմ, մենք խղճի խայթ ունենք. ապրելով հեռվում՝ ֆիզիկապես չենք զգում տեղի լարվածությունը, թեկուզ հոգով ու սրտով Արցախի հետ ենք ու անում ենք ամեն ինչ, որպեսզի ինչ-որ կեչպ օգտակար լինենք: Փառք ու պատիվ արցախցիներին, ովքեր ամուր կանգնած են այս հողում ու ոգևորում են բոլորիս»,- նշել է Ն. Դավթյանը:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Միայն գործից անտեղյակը կարող էր 2016 թ․ ապրիլյան պատերազմը «դիվերսիա» անվանել. Վիտալի Բալասանյանը նոր փաստեր է հրապարակում

Վիտալի Բալասանյանը բաց նամակով դիմել է Բակո Սահակյանին

Նորաստեղծ կուսակցությունը մայրաքաղաքում գրասենյակ է բացել

Կտրականապես անընդունելի է Արցախը որևէ պետության մանդատի տրամադրելու հարցը. Էդմոն Մարուքյանը՝ Սամվել Բաբայանին

Բաքուն դիմում է միջազգային կազմակերպություններին՝ Հայաստանի սահմանն անցած քաղաքացուն վերադարձնելու համար

Բակո Սահակյանը ստորագրել է մի շարք օրենքներ

Մեզ համար անկախ պետականությունը բարձրագույն արժեք է. Դավիթ Բաբայանը հակադարձում է Սամվել Բաբայանին

Մենք անկախ պետություն չենք հռչակել, որպեսզի լինենք այլ պետության մանդատի ներքո. խորհրդարանական բոլոր ուժերը հակադարձում են Սամվել Բաբայանին

Համահայկական խաղերն այս տարի կկայանան Արցախում

Search