«Եվրո 2016»-ի մահվան խմբում պայքարը մոտենում է իր ավարտին: Վերջին տուրում կմրցեն առաջատարներն ու ետնապահները:
«Եվրո 2016». Պայքարը կավարտեն D թիմերը
ՍՏԵՓԱՆԱԿԵՐՏ, 21 հունիսի, ԱՐՑԱԽՊՐԵՍ-ԱՐՄԵՆՊՐԵՍ: Իսպանիա-Խորվաթիա, Չեխիա-Թուրքիա հանդիպումների նախախաղային տեսությունը:
Իսպանիա-Խորվաթիա: Իսպանիայի հավաքականը Եվրոպայի առաջնությունում շարունակում է հիանալի արդյունքներ գրանցել: Վիսենտե դել Բոսկեի ֆուտբոլիստները առաջին 2 հանդիպումներում կարողացան առավելության հասնել Չեխիայի և Թուրքիայի ազգային ընտրանիների նկատմամբ: Հատկապես ուշադրության է արժանի Թուրքիայի նկատմամբ տոնած հաղթանակը: «Կարմիր ֆուրիա»-ն 3 անպատասխան գնդակ ուղղարկելով թուրքերի դարպասը՝ տարավ «Եվրո 2016»-ի առաջին խոշոր հաղթանակը: Նոլիտոն և Ալվարո Մորատան սկսել են հիանալի համագործակցել խաղադաշտում:
Խորվաթիայի հավաքականը վստահ մեկնարկից հետո մի փոքր թուլացրեց զգոնությունը և 2-րդ տուրում կորցրեց հաղթանակը Չեխիայի դեմ խաղում: Երկրպագուների անվայել պահվածքի պատճառով մրցավարը ստիպված եղավ դադարեցնել խաղը: Խորվաթներն այդ խաղում ունեին 2 գնդակի առավելություն, սակայն վերջնամասում ձեռքից բաց թողեցին ամեն ինչ: Երկրպագուների ոչ ֆուտբոլային պահվածքից հետո Խորվաթիայի ֆուտբոլի ֆեդերացիան տուգանվեց ՈՒԵՖԱ-ի կողմից: Խորվաթիա-Իսպանիա դիմակայությունը կորոշի D խմբի հաղթողին: Հանդիպումը կկայանա Երևանի ժամանակով ժամը 23:00-ին:
Երկու հավաքակնների միջև Եվրոպայի առաջնությունների շրջանակներում առաջին և միակ հանդիպումը կայացել է «Եվրո 2012»-ի եզրափակիչ փուլում` լեհական Գդանսկում: «Կարմիր ֆուրիա»-ն Խեսուս Նավասի միակ գնդակի շնորհիվ հաղթեց՝ զբաղեցնելով առաջին հորիզոնականը խմբային փուլում: Անկյունային հարվածներով Իսպանիան խոշոր առավելություն է ունեցել 11-ը 4-ի դիմաց: Բացարձակ կոպիտ եղել են խորվաթները և ստացել 6 դեղին քարտ: Թիմերը միմյանց միջև անկացրել են նաև 4 ընկերական հանդիպում: Դրանցում երկու հաղթանակ ունեն իսպանացիները, մեկ՝ խորվաթները: Մեկ անգամ էլ խաղաղ ելք է արձանգրվել: Եվրոպայի գործող չեմպիոնները խորվաթների հետ խաղերում դարձել են 5 գոլի հեղինակ՝ սեփականն ընդունելով 4-ը:
Թուրքիա-Չեխիա: Թուրքիայի ազգային հավաքականը «Եվրո 2016»-ի առաջին երկու հանդիպումներում պարտություններ է կրել Խորվաթիայի և Իսպանիայի ազգային ընտրանիներից: Թուրքիայի հավաքականը այս խաղում նույնիսկ հաղթելու դեպքում պայքարը շարունակելու չնչին հնարավորություններ կունենա: Չեխիայի ընտրանին կամային հիանալի որակների շնորհիվ կարողացավ Խորվաթներից կորզել այդքան կարևոր 1 միավորը: Այս խաղում հաղթելու դեպքում Չեխիան լավագույն 3-րդ հորիզոնականը զբաղեցրած ակումբների մեջ կարող է ստանալ պայքարը 1/8 եզրափակիչում շարունակելու հնարավորություն: Չեխիա-Թուրքիա հանդիպումը կսկսվի Երևանի ժամանակով ժամը 23:00-ին:
Չեխիայի և Թուրքիայի հավաքականները Եվրոպայի առաջնության շրջանակներում հանդիպել են 3 անգամ: Թիմերի առաջին դիմակայությունն ավարտվել է Թուրքերի առավելությամբ 3-2 հաշվով: Հետագայում երկու ընտրանիները փոխանակել են մեկական հաղթանակ: Դիմակայությունում Չեխերն առավելություն ունեն: Թուրքերը խփել են 6 գնդակ՝ սեփականն ընդունելով 4-ը: Անկյունային հարվածներով Թուրքիան առավելություն ունի՝ 13-ն ընդեմ 10-ի: 7-ական դեղին քարտերով թիմերը հավասար ցուցանիշ են գրանցել: Միակ կարմիր քարտին արժանացել է Թուրքիայի հավաքականի դարպասապահ Վոլկան Դեմիրելը 2008-ին: Աշխարհի առաջնության շրջանակներում հավաքականների ուղիները երբևէ չեն խաչվել: Հավաքականներն անցկացրել են նաեւ 6 ընկերական խաղ:Թուրքերն ակտիվում ունեն մեկ հաղթանակ՝ չեխերի 4-ի դիմաց: Միակ ոչ-ոքին գրանցվել է 2006-ի մարտի 1-ին: Թիմերը փոխանակվել են 2-ական գոլերով: Ընկերական խաղերում Չեխիան կարողացել է դառնալ 16 գոլի հեղինակ, սեփականը ընդունելով միայն 5-ը: