Ներկայիս Թուրքիայի տարածքում գտնվող Սասուն քաղաքում մեծ թվով հայկական եկեղեցիներ այսօր օգտագործվում են որպես ախոռներ:
Սասունի հայկական եկեղեցիները վերածվել են ախոռների
Ներկայիս Թուրքիայի տարածքում գտնվող Սասուն քաղաքում մեծ թվով հայկական եկեղեցիներ այսօր օգտագործվում են որպես ախոռներ:
Ինչպես հաղորդում է «Արցախպրես»-ը՝ հղում անելով «Արմենպրես»-ին, այս մասին ահազանգում է sasun.org կայքը:
Սասունի եկեղեցիներից զատ` զգալի թվով պատմական շինություններ` ամրոցներ, աշտարակներ, ջրաղացներ, հայտնվել են լքված, կիսավեր վիճակում` մատնվելով վերջնական ոչնչացման: Սասունի եկեղեցիները հատկապես մեծ վնասներ են կրել արկածախնդիր գանձ որոնողների պատճառով, ովքեր անխնա կերպով վնասել են եկեղեցիները և դրանց հարակից շրջակայքը:
Լրատվական կայքը գրում է, որ Սասունի պատկան մարմինները պետք է կարճ ժամկետներում գյուղացիներին ապահովեն ախոռներով, որպեսզի հայկական շինություններն այդ նպատակով չպղծվեն: Իսկ հայկական եկեղեցիներն անհրաժեշտ է մաքրել և բացել զբոսաշրջիկների համար: