Artsakhpress

Մշակույթ

Շատ կարևոր է թե ինչ ֆիլմ է մասնակցելու Օսկարին, քանի որ այն առաջին հերթին քաղաքականություն է. Հովիկ Աֆյան

Ի՞նչ ֆիլմ է պետք ներկայացնել Օսկարին, ի՞նչ է Օսկարը:

Շատ կարևոր է թե ինչ ֆիլմ է մասնակցելու Օսկարին, քանի որ այն առաջին հերթին քաղաքականություն է. Հովիկ Աֆյան

Շատ կարևոր է թե ինչ ֆիլմ է մասնակցելու Օսկարին, քանի որ այն առաջին հերթին քաղաքականություն է. Հովիկ Աֆյան

ՍՏԵՓԱՆԱԿԵՐՏ, 31 օգոստոսի, ԱՐՑԱԽՊՐԵՍ:  Անդրադառնալով ամերիկյան կինոակադեմիայի` «Օսկար»-ի 89-րդ մրցանակաբաշխությանը Հայաստանի ազգային կինոակադեմիայի կողմից ֆիլմի ներկայացման հարցին՝ «Արցախպրես»-ի հետ զրույցում լրագրող Հովիկ Աֆյանը նշեց, որ կա վարկած, որ այն համաշխարհային կինոյի գլխավոր մրցանակաբաշխությունն է, որտեղ գնահատվում է բացառապես արվեստը, կինոն եւ հաղթում են արժանի արվեստագետները: Մեկ ուրիշ վարկածով, սա ամերիկյան կինոակադեմիայի տոնն է, որին Ամերիկան երբեմն թույլ է տալիս մասնակացել աշխարհի այլ երկրների, ընտրելով նրանցից այն ֆիլմերը, որոնք իրեն պետք են, ավելի ճիշտ՝ իր կարծիքով աշխարհին են պետք…Շատ վարկածներ կան, թե ինչ է Օսկարը, բայց կա մեկը, որը հնարավոր չէ հերքել. Օսկարը քաղաքականություն է, եթե կուզեք՝ աշխարհաքաղաքականություն:

Հետեւաբար, ըստ Աֆյանի, օրինակ Բոսնիան եւ Հերցեգովինա պետությունը, եթե երկու ֆիլմ ունի, որոնցից մեկը պատմում է Հարավասլավիայի տրոհման, Բոսնիա Հերցեգովինայի անկախության, այդ գործում ամերիկացի զինվորների ՙանմնացորդ նվիրման՚ մասին, իսկ մյուսը պատմում է, ենթադրենք, բոսնիացի գյուղացի Զլադկոյի եւ նրա անպատասխան սիրո մասին, հաստատապես կընտրի առաջին ֆիլմը, քանի որ գուցե երկրորդը, որպես արվեստի գործ, ավելի լավն է, բայց առաջինը քաղաքականություն է:

«Բայց թողնենք բոսնիացիաներին, մանավանդ, որ սերբերը, բացի Միհրան Հարությունյանին հաղթած սերբ ըմբիշ Դավոր Շտեֆանեկից մեր բարեկամներն են: Հայաստանի կինոակամեդիան այս տարի Օսկարին ներկայացնելու երեք ֆիլմ ունի, որոնցից մեկն էլ պետք է ընտրի: Դրանք են, Դավիթ Սաֆարյանի «28:94 տեղական ժամանակով» հայաստանյան ֆիլմը, որը պատմում է 90-ականների մութ եւ ցուրտ տարիների մասին, Սարիկ Անդրեասյանի՝ «Երկրաշարժը» ռուսաստանյան ֆիլմը, 1988-ի երկրաշարժի մասին եւ Ջիվան Ավետիսյանի՝ «Վերջին բնակիչը» հայաստանյան ֆիլմը, որը պատմում է Արցախի պատերազմի մասին: Այս երեք ֆիլմերից մեկը պետք է գնա Օսկար, բայց ո՞րը: Օրինակ Սարիկ Անդրեասյանի «Երկրաշարժ» ֆիլմը, չնայած Հայաստանում դեռ չի ցուցադրվել, բայց տեսնողներն ասում են, որ լավ ֆիլմ է, Օսկարի թեկնածու ֆիլմն, ինչ խոսք, վատը չի կարող լինել: Բայց սա ռուսաստանյան կինեմատոգրաֆ է, այն հայաստանյան ֆիլմ չէ, պատահական չէ, որ ռուսական որոշ լրատվամիջոցներ այս կապակցությամբ գրում են, որ «Հայաստանը Օսկարում կարող է ներկայացնել ռուսաստանյան ֆիլմ» »,- ասաց Աֆյանը:

Մեր զրուցակցի խոսքով, Դավիթ Սաֆարյանի՝ կրկին լավ ֆիլմը հայաստանյան արտադրանք է, հայաստանյան արտադրանք է նաեւ Ջիվան Ավետիսյանի ֆիլմը… Հենց այստեղ էլ վրա է հասնում քաղաքականությունը:

«Մենք ի՞նչ ենք ուզում, որ աշխարհին ի՞նչ ասենք: Այն, որ 1988-ին մեր երկրում ավերիչ երկրաշարժ է եղել, բայց որի մասին մենք չենք կարողանում ֆիլմ նկարել, ստիպված դիմել ենք Ռուսաստանի օգնությա՞նը, այն, որ 90-ականներին մենք ապրել են մեղմ ասած վատ, մթի եւ ցրտի պայմանններում, թե՞ այն, որ Արցախում չնայած շատերն ադրբեջաներեն են խոսել, բայց այն եղել ու մնում է հայկական հող: Մեր զրույցի թեման՝ աշխարհի հետ այս երեքից ո՞րն է, ո՞րը պետք է լինի: Լավ, ենթադրենք, աշխարհն իմացավ, թե ի՞նչ հետեւանքներ է թողել 1988-ի երկրաշարժը մեզ վրա, ենթադրենք իմացավ, որ 90-ականներին մենք ապրել են մութ եւ ցուրտ տարիներին, բայց նախ, աշխարհն այսօր էլ այս ամենը գիտի, բացի դրանից, եթե նոր էլ իմանա, դրանից ի՞նչ է փոխվելու, ի՞նչ կարող է փոխվել: Մեզ խղճալո՞ւ են, իսկ դա մեզ պե՞տք է, մեզանով հպարտանալու են, որ այդ դժվարություններն հաղթահարե՞լ ենք, լավ, ենթադրենք հպարտացան, ասենք Ամերիկյան կինոակադեմիայի նախագահը Օսկարի բեմից հայտարարեց, որ ինքը հայերով հպարտանում է, քանի որ նրանք 1988-ին երկրաշարժ են տեսել, 90-ականներին էլ մթության մեջ մրսել են, բայց հիմա…Հիմա ի՞նչ:»,- ասաց Աֆյանը և հավելեց, որ տվյալ դեպքում հիմա-ն ամենակարեւորն է այս պատմության մեջ:

«Վերջին բնակիչը» ըստ Աֆյանի, այդ հիմա-ի մասին է, դրա պատասխանն է, ավելի ճիշտ դրա անպատասխան հարցն է: Այդ ֆիլմով մենք աշխարհին պատմում ենք Արցախի մասին, այնտեղ բնակվող հայերի մասին, ադրբեջանցիների մասին եւ դա անում ենք կատարյալ անկեղծությամբ, եւ հարցնում ենք՝ հեյ, աշխարհ, թույլ տալի՞ս ես, որ հայերն իրենց հայրենիքում վերջին բնակիչը դառնան…

«Այդուհանդերձ՝ ընտրությունը Հայաստանի կինոակադեմիայինն է, եւ մենք միայն հույս ունենք, որ այդ ընտրոթյունից հետո աշխարհը կպատասխանի մեր հարցին, ոչ թե կհպարտանա «հայու ոգով», եւ կամ, կխճա մեզ: Տեսել ենք այդ խղաճահարությունն էլ, այդ հպարտությունն էլ…Գոհ ենք: Եւ ընտրությունը ոչ թե ֆիլմերի մեջ է, քանի որ դրանք երեքն էլ լավն են, այլ ուղերձի, աշխարհի հետ երկխոսության թեմայի, նրան ուղղված մեր ասելիքի…»,- խոսքը եզրափակեց Աֆյանը:

Նշենք, որ սեպտեմբերի 3-ին Հայաստանի կինոակադեմիան պաշտոնապես կառաջադրի թե հայկական որ ֆիլմը կմասնակցի «Օսկար»-ի 89-րդ մրցանակաբաշխությանը: Ներկայացված է երեք ֆիլմ. Ջիվան Ավետիսյանի «Վերջին բնակիչը», Դավիթ Սաֆարյանի «28:94 տեղական ժամանակով»-ը և Սարիկ Անդրեասյանի «Երկրաշարժ»-ը:

Հավելենք, որ Հայաստանը 2002 թ. ներկայացրել է Վ. Չալդրանյանի «Լռության սիմֆոնիա» կինոնկարը, 2010-ին՝ Ռուբեն և Վահե Գևորգյանցների «Հրաշագործի աշունը» փաստավավերագրական ֆիլմը, 2013-ին՝ արցախյան պատերազմի մասին պատմող Միքայել Պողոսյանի «Եթե բոլորը» ֆիլմը, որոնցից ընտրական փուլ է անցել միայն վերջինը:

«Օսկար» 89-րդ մրցանակաբաշխությունը կայանալու է 2017 թ. փետրվարի 26-ին:


     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search