Artsakhpress

Մշակույթ

«Վերջին բնակիչը»` մեծ էկրանին. ֆիլմը կշրջի նաև Հայաստանի մարզերով և Արցախով

Ռեժիսոր Ջիվան Ավետիսյանի «Վերջին բնակիչը» ֆիլմը նոյեմբերի 17-ից կբարձրանա մեծ էկրան:

«Վերջին բնակիչը»` մեծ էկրանին. ֆիլմը կշրջի նաև Հայաստանի մարզերով և Արցախով

«Վերջին բնակիչը»` մեծ էկրանին. ֆիլմը կշրջի նաև Հայաստանի մարզերով և Արցախով

ՍՏԵՓԱՆԱԿԵՐՏ, 22 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ:  Այն կցուցադրվի Երևանի երեք կինոթատրոններում ՝ «Մոսկվա», «Կինոպարկ», «Սինեմասթար»: «Երևանյան ցուցադրությունից հետո նախատեսված է ֆիլմը ներկայացնել նաև Հայաստանի մարզերում և Արցախում»,- հաղորդեց ֆիլմի ռեժիսոր Ջիվան Ավետիսյանը:

«Վերջին բնակիչը» ֆիլմի պրեմիերան կայացել է հուլիսի 17-ին հեղինակավոր «Ոսկե ծիրան» միջազգային կինոփառատոնի շրջանակում:

Ռեժիսորը հավատում է, որ երիտասարդությունը և վաղվա օրով մտահոգված մարդիկ, ովքեր ուզում են ապրել և արարել Հայաստանում, կգան  դիտելու ֆիլմը: «Կինոնկարի ասելիքը և գաղափարը մտածող, մաքառող մարդու համար է. դյուրամարս ֆիլմերի սիրահարները դժվար կընկալեն այն»,-ասաց ռեժիսորը:

Ֆիլմում ընդգրկված են հանրության սերը վայելող բազմաթիվ հետաքրքիր դերասաններ՝ Ալեքսանդր Խաչատրյանը, Սոս Ջանիբեկյանը, Հոմայուն Էրշադին, Սանդրա Դաուկսայտե Պետրուլենեն և այլք:

Ռեժիսորի խոսքով՝ հայկական ֆիլմերի համար պատասխանատու է և՛ հանդիսատեսը, և՛ռեժիսորը, և՛ մամուլը: «Եթե 20 տարի հետո մենք ունենանք այն կինեմատոգրաֆը, որն ունենք այսօր, ուրեմն մեղավոր ենք բոլորս: Ստեղծագործող մարդը պետք է որակյալ կինո նկարի՝ լավ ձայն, հնչողություն, լավ պատկեր, լավ սցենար, որպեսզի հանդիսատեսը խաբված չզգա իրեն: Անհրաժեշտ է  վերականգնել հանդիսատեսի հավատը կինոյի նկատմամբ»,-ընդգծեց Ավետիսյանը:

Ֆիլմի երաժշտության հեղինակը ռոք երաժիշտ Սերժ Թանկյանն է:

Անժելա Համբարձումյան



     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Անվտանգության խորհրդի նիստում Արցախի հարցով միաձայն հայտարարություն է ընդունվել

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Search