Artsakhpress

Հասարակական

Արցախում գործում է 226 հասարակական կազմակերպություն

ԼՂՀ-ում ընթացիկ տարվա սեպտեմբերի 1-ի դրությամբ գործում է 226 հասրակական կազմակերպություն:

Արցախում գործում է 226 հասարակական կազմակերպություն

Արցախում գործում է 226 հասարակական կազմակերպություն

ՍՏԵՓԱՆԱԿԵՐՏ, 23 սեպտեմբերի, ԱՐՑԱԽՊՐԵՍ: Այս մասին «Արցախպրես»-ի թղթղակցի հետ զրույցում ասել է ԼՂՀ արդարադատության նախարարության աշխատակազմի իրավաբանական անձանց պետական ռեգիստրի գործակալության պետ Գայանե Մաքսիմովան` նշելով, որ գործող հասարակական կազմակերպությունները ծավալում են տարբեր գործունեություններ, այդ թվում` բարեգործություն և օգնություն սոցիալական առանձին խմբերի, առողջապահություն, կրթություն և գիտություն, մշակույթ և արվեստ, սպորտ և ֆիզիկական կուլտուրա:

«Գոյություն ունեն նաև երիտասարդական կազմակերպություններ, որոնք մասնակիցների մոտ սերմանում են հայրենասիրություն, համախմբվածություն, հայրենաճանաչողություն, ազգային ոգի և այլն»,-ասել է Գ. Մաքսիմովան:

«Արցախպրես»-ը ստորև հակիրճ ներկայացնում է Արցախում գործող մի քանի հասարակական կազմակերպությունների գործունեությունը:

Հարութ Մնացականյան («Հայրենյաց պաշտպան» երիտասարդական կազմակերպության նախագահ)- Արցախի Ազատամարտիկների երիտասարդական թևն իր գլխավոր խնդիրը համարում է երկրի պաշտպանության հարցը: Այդ նպատակով աշխատանքների հիմնական մասն ուղղված է երիտասարդների ռազմահայրենասիրական դաստիարակությանը, նրանց բարոյահոգեբանական որակների և ֆիզիկական պատրաստվածության բարձրացման հարցերին:

Հիմնական նպատակը երիտասարդների նախազորակոչային ծառայության նախապատրաստելն է, ինչպես նաև ժամկետային ծառայության ավարտից հետո նրանց հետ տարվող աշխատանքները: Միաժամանակ մեծ տեղ է հատկացվում նաև աղջիկների ռազմական պատրաստության հարցին: Նշված խնդիրների իրականացման համար տարվա ընթացքում կազմակերպվում են ռազմականացված ճամբարներ, բանակումներ, հրաձգություն, ինժիներական աշխատանքներ (նաև առաջնագծում): Հատկապես կարելի է առանձնացնել երիտասարդների աշխատանքը պատերազմի ժամանակ երբ նրանք Արցախի ազատամարտիկների միության (ԱԱՄ) կից գումարտակի կազմում առաջինների շարքում մեկնում են առաջնագիծ ու մասնակցում երկրի պաշտպանությանը: ՀԿ ողջ ֆինանսավորումն իրականացվում է ԱԱՄ կողմից` միության ղեկավար, գեներալ Սամվել Կարապետյանի բարձր հովանու ներքո: Կազմակերպության գործունեության շրջանակներում յուրահատուկ տեղ է գրավում համագործակցությունը ՊԲ-ի հետ:

Արմինե Պետրոսյան («Հայկի սերունդ» հասարակական կազմակերպության նախագահ)- Ա. Պետրոսյանի խոսքով` Ստեփանակերտում և շրջաններում ունենալով մոտ 150 անդամ և համակիր, «Հայկի Սերունդ»-ը 2002-2016 թվականների ընթացքում կազմակերպել է մոտ 180 միջոցառում: «Հայկի Սերունդ» ՀԿ նախագահը նշել է, որ կազմակերպության նպատակներն են` նպաստել ԼՂՀ երիտասարդ քաղաքացիների հասարակական ակտիվության բարձրացմանը, երկրի երիտասարդական հասարակական դաշտի ձևավորմանն ու կայացմանը, աջակցել երիտասարդ սերնդի հայեցի դաստիարակությանը, նրա համակողմանի զարգացմանը՝ ազգային և համամարդկային հոգևոր, կրթամշակութային ու բարոյական արժեքների հիման վրա, զորավիգ լինել ազգային հին ու նոր ավանդույթների և սովորույթների պահպանմանը, ամրապնդել Արցախի երիտասարդության հավատարմությունը Հայ Առաքելական Եկեղեցու հոգևոր արժեքներին, ջանքեր գործադրել՝ ուղղված մարդու, այդ թվում՝ երիտասարդության հիմնարար իրավունքների և ազատությունների պաշտպանությանը: Գործունեության հիմնական ուղղություններն են՝ աշխատանք երիտասարդների հետ, հայրենասիրական բնույթի միջոցառումներ, սկաուտական շարժում:

Ա. Պետրոսյանի տեղեկացմամբ` սկսած 2003 թ-ից կազմակերպվում են տարաբնույթ կրթադաստիրակչական միջոցառումներ, հուշ-երթեր նվիրված Արցախյան ազատագրական պայքարի սկզբնավորմանը (Փետրվարի 20), Հայրենական մեծ պատերազմում հաղթանակի, ԼՂՀ պաշտպանության բանակի, Շուշիի ազատագրման օրվան (մայիսի 9-ը), սեմինարներ` նվիրված ԼՂ հակամարտությանը, որոնք նպատակ ունեն համախմբել երիտասարդությանը՝ անցյալը հիշելու և միասնաբար ազատագրված հողի վրա արժանի ապագա կառուցելու գերխնդրի ներքո:

Վերջին տարիների գործունեության ընթացքում «Հայկի Սերունդ» ՀԿ-ն նոր հնարավորություններ է ի հայտ բերել՝ ստեղծելով ու ամրապնդելով կապեր ինչպես Հայաստանի, Սփյուռքի երիտասարդական կազմակերպությունների, այնպես էլ արտերկրի մի շարք ՀԿ-ների հետ՝ դրանով իսկ հնարավորություն ընձեռելով ավելի ընդլայնել իր փոխհարաբերությունների շրջանակները:

Արթուր Գրիգորյան (««Միացյալ Հայաստան» հայրենասիրական հասարակական կազմակերպություն)- Կազմակերպությունն Արցախում հիմնվել է 2013 թվականին:

Կազմակերպության նպատակն է` հայրենասեր հայ երիտասարդների միավորումը, ազգային ինքնագիտակցության ձևավորումն ու ամրապնդումը հայրենաճանաչողական արշավների, ուխտագնացությունների միջոցով ազգային արժեքների ճանաչմանն ու արժեվորմանն ուղղված տարաբնույթ միջոցառումների կազմակերպումը:

Խոսելով ծրագրերի մասին` ՀԿ նախագահն նաև ասել է, որ առաջիկայում ևս շատ իրականացվելիք ծրագրեր ունեն: Ծրագրի ընթացքում նախատեսվում է Արցախի տարբեր շրջաններում գտնվող եկեղեցիների մաքրման ու պահպանման աշխատանքներ, ինչպես նաև կլինեն շրջանային հանդիպումներ տարբեր համայնքների երիտասարդների հետ:

Ծրագրին մասնակցելու են հայրենասեր ու մշակութասեր երիտասարդներ ԼՂՀ տարբեր շրջաններից, ինչպես նաև տվյալ տեղանքին հարակից բնակավայրերից:

Սուսաննա Պետրոսյան («Արցախի երիտասարդության զարգացման կենտրոն» հասարակական կազմակերպություն)- ՀԿ-ն գործում է 2011 թվականից. ունի մի շարք ուղղություններ` կրթություն, գիտություն, մշակույթ, սպորտ, միջազգային հարաբերություններ, առողջ ապրելակերպ, Արցախ-Հայաստան-Սփյուռք կապերի ամրապնդման ծրագրեր:

«Մեր հիմնական նպատակն է` խթանել երիտասարդության մոտ հայրենասիրության, գիտակրթական, մշակութային ոլորտներում լուրջ հաջողությունների հասնելուն, որոնք իրականացնելու համար կիրառում ենք ոչ ֆորմալ կրթության մեթոդոլոգիան, ինչպիսիք են ճամբարները, դպրոցները, դասընթացները և այլն: Մեր ՀԿ-ի առանձնահատկություններից մեկն էլ այն է, որ ունենք նաև լեզուների զարգացման շեշտադրում: Տարբեր երկրների ՀԿ-ների հետ համագործակցության մեծ ցանց ունենք: Փորձում ենք զարգացնել նաև քաղաքացիական հասարակությունը, և այդ ուղղությամբ տարբեր աշխատանքներ ենք կատարում»,- ասել է Ս. Պետրոսյանը` ընդգծելով, որ իրենք անելիքներ դեռ շատ ունեն, և որ ՀԿ-ները կարևոր դերակատարում կարող են ունենալ քաղաքացիական հասարակության ձևավորման գործում:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Անչափ ցավալի է, երբ հարցականի տակ են դնում Ռոբերտ Աբաջյանի գիտակցված անձնազոհությունը. Լևոն Մնացականյան

Խուզարկություն է կատարվել իմ հայրական տանը, «Մետաքսկոմբինատում» և Տողի «Նոր Կյանք» ջրաշխարհում. Արթուր Աղաբեկյանը հանդես է եկել հայտարարությամբ

Արցախի կառավարության օպերատիվ շտաբի անդամների հայտարարությունը՝ Արթուր Աղաբեկյանի տան խուզարկության առթիվ

Շնագայլի հարձակման հերթական դեպքն է արձանագրվել

Արթուր Աղաբեկյանը բաց նամակ է հղել ապրիլյան պատերազմի ժամանակ ստեղծված օպերատիվ շտաբի անդամներին

Բակո Սահակյանը նոր նշանակում է կատարել

Սամվել Շահրամանյանը նշանակվել է գերիների, պատանդների եւ անհայտ կորածների հարցերով հանձնաժողովի նախագահ

Հադրութում քաղաքացին «Ֆագոտ» տիպի հակատանկային համալիր է գտել

Արցախցի մարզիկը դարձել է աշխարհի չեմպիոն

Search