Artsakhpress

Սպորտ

Ստեփանակերտում տեղի է ունեցել Սամբոյի Արցախի բաց առաջնություն (լուսանկարներ)

Հայաստանի Հանրապետության և Արցախի մարզիկներն երեկ Ստեփանակերտի N 6 դպրոցի մարզադահլիճում մասնակցել են Արցախի սամբոյի բաց առաջնությանը:

Ստեփանակերտում տեղի է ունեցել Սամբոյի Արցախի բաց առաջնություն (լուսանկարներ)

Ստեփանակերտում տեղի է ունեցել Սամբոյի Արցախի բաց առաջնություն (լուսանկարներ)

ՍՏԵՓԱՆԱԿԵՐՏ, 24 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում ԼՂՀ կրթության գիտության և սպորտի նախարարության աշխատակազմի սպորտի վարչության պետ Աշոտ Դանիելյանը, ով նաև սամբոյի աշխարհի և Եվրոպայի կրկնակի չեմպիոն է, տեղեկացրել է, որ սամբոյի` Արցախի բաց առաջնությանը մասնակցում են Գյումրիի, Աբովյանի, Ստեփանակերտի, Եղվարդի, Նոր Հաճնի, Շուշիի և Արցախի «Դինամո» թիմերի 100-ից ավելի մարզիկներ, որոնց մեջ կան 2 աշխարհի չեմպիոն և 41 աշխարհի ու Եվրոպայի առաջնությունների մրցանակակիրներ:

«Այսպիսի մարզական միջոցառումների անցկացումը շատ կարևոր է, որովհետև դրանցով արմապնդվում են կապերը Հայաստանի և Արցախի մարզական կազմակերպությունների միջև և հնարավորություն են տալիս ի հայտ բերելու լավագույն մարզիկներին: Սա նաև ինչ որ տեղ ստուգողական առաջնություն է, որում մարզիկները կարողանում են լավ կողմերով իրենց դրսևորել աշխարհի և Եվոպայի առաջնություններից առաջ,- ասել է Ա. Դանիելյանը և ավելացրել,- Ի դեպ, առաջնությանը մասնակցող մարզիկները մրցում են 10 քաշային կարգերում»:

Սամբոյի Արցախի բաց առաջնության բացման հանդիսավոր արարողության ժամանակ ԼՂՀ կրթության, գիտության և սպորտի նախարար Սլավա Ասրյանը, շնորհավորելով մարզիկներին և հյուրերին, մասնավորապես ասել է. «Այն հանգամանքը, որ մեր երկրում սպորտի ոլորտում օրեցօր բարեփոխումներ են կատարվում շատ ուրախալի փաստ է: Ամեն անգամ մասնակցելով այսպիսի առաջնությունների ու տեսնելով մեր մարզիկների հաջողությունները` բոլորս հպարտանում ենք, հատկապես երբ նրանց մեջ տեսնում ենք աշխարհի ու Եվրոպայի հաղթաց չեմպիոններ: Սիրելի մարզիկներ ես կարծում եմ` ձեր մեջ կլինեն ապագա չեմպիոններ: Ձեր քրտնաջան աշխատանքի և մարզումների շնորհիվ դուք կարող եք հասնել ամենաբարձր պատվանդանների: Յուրաքանչյուր հաղթանակած մարզիկի ձեռքբերում ողջ հայության հաղթանակն է»: 

Առաջնությանը իր աջակցությունն է բերել արմատներով արցախցի ռուսատանաբնակ Արթուր Գրիգորյանը, ով Արցախի Սամբոյի ֆեդերացիայի կողմից պարգևատրվել է շնորհակալագրով:

Սամբոյի Արցախի բաց առաջնությանը ներկա էին ՀՀ և ԼՂՀ Սամբոյի ֆեդերացիայի նախագահները, սպորտի բնագավառի ներկայացուցիչներ, երկրպագուներ:


     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Արցախցի մարզիկներն արժանացել են ոսկե մեդալների

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search