Artsakhpress

Ռազմական

Արցախի անվտանգության ապահովման գործում շատ կարևոր է հասարակության դերը. Մարտակերտում տեղի է ունեցել կլոր սեղան

Մարտակերտի մշակույթի տանը երեկ տեղի է ունեցել կլոր սեղան՝ «Ղարաբաղաադրբեջանական հակամարտության կարգավորման ճանապարհները. հասարակության դերը երկրի անվտանգության ապահովման գործում» թեմայով:

Արցախի անվտանգության ապահովման գործում շատ կարևոր է հասարակության դերը. Մարտակերտում տեղի է ունեցել կլոր սեղան

Արցախի անվտանգության ապահովման գործում շատ կարևոր է հասարակության դերը. Մարտակերտում տեղի է ունեցել կլոր սեղան

ՍՏԵՓԱՆԱԿԵՐՏ, 30 սեպտեմբերի, ԱՐՑԱԽՊՐԵՍ: «Արցախպրես»-ի հաղորդմամբ՝ այն կազմակերպվել է «Մայրություն» հասարակական կազմակերպության նախագահ Հասմիկ Միքայելյանի նախաձեռնությամբ, ում կարծիքով՝ Արցախի անվտանգության ապահովման գործում շատ կարևոր է հասարակության դերը:
Քննարկման ժամանակ ԼՂՀ վարչապետի մամուլի քարտուղար Արտակ Բեգլարյանը մարտակերտցիներին ներկայացրել է ղարաբաղաադրբեջանական հակամարտության կարգավորմանն ուղղված առկա գործընթացը և ընդգծել, որ առաջնագիծն ամրապնդելով՝ արցախցիները կհասնեն նաև քաղաքական դիրքերի ամրապնդմանը:

Նա այնուհետև խոսել է ապրիլյան ռազմական գործողությունների ժամանակ Ադրբեջանի կողմից ապատեղեկատվության տարածման մի շարք օրինակների և խորհուրդ տվել չտարածել չճշտված տեղեկատվություն և կուլ չտալ հակառակորդի խայծերը:

«Դա հիմնականում Ադրբեջանի հատուկ ծառայությունների քարոզչության գործն է, որը շատ հաճախ վեր է ածվում բամբասանքի: Վտանգավորությունը չգիտակցելով՝ մենք հաճախ անհիմն տարածում ենք այդպիսի նյութերը՝ վտանգելով ինքներս մեզ»,- պարզաբանում է վարչապետի մամուլի քարտուղարը և ավելացնում,- «քարոզչական դաշտում Ադրբեջանը թիրախավորել է ոչ միայն իր երկրի հանրությանը, միջազգային հանրությանը, այլև՝ մեր ժողովրդին ու իշխանություններին: Այսպիսի քայլերով նա նպատակ ունի թուլացնել թե´ մեր առաջնագիծը և թե´ ներքին ճակատը: Մենք պետք է տեղեկատվական պատերազմում այդպիսի ոտնձգությունները ևս կանխենք»:
Արտակ Բեգլարյանը լսարանին ներկայացրել է նաև ապրիլյան դեպքերից հետո առաջնագծում կառավարության կողմից կատարված և կատարվող աշխատանքները:

«Ամուր սահման և հզոր տնտեսություն. այս կարգախոսով է ուրվագծվում ուժեղ Արցախի ապագայի տեսլականը»,- ընդգծել է Ա. Բեգլարյանը:

Քննարկման ընթացքում մարտակերտցիներին հուզող հարցերը ստացել են սպառիչ պատասխաններ, հաշվի են առնվել նաև ներկաների առաջարկությունները:

Կլոր սեղանին մասնակցում էին ՊԲ N զորամասի հրամանատար գնդապետ Սամվել Գրիգորյանը, ԼՂՀ վարչապետի օգնական Վլադիմիր Գրիգորյանը, ԼՂՀ կառավարության առընթեր արտակարգ իրավիճակների պետական ծառայության օպերատիվ բաժնի պետ փոխգնդապետ Կարեն Ավետիսյանը, ՊԲ «Մարտիկ» պաշտոնաթերթի թղթակից, քաղաքական գիտությունների թեկնածու կապիտան Հրայր Փաշայանը, հասարակական կազմակերպությունների նախագահներ, լրատվության և Մարտակերտի հասարակական, քաղաքական ու մշակույթային կյանքի ներկայացուցիչներ և այլք:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Վիտալի Բալասանյանը բաց նամակով դիմել է Բակո Սահակյանին

Միայն գործից անտեղյակը կարող էր 2016 թ․ ապրիլյան պատերազմը «դիվերսիա» անվանել. Վիտալի Բալասանյանը նոր փաստեր է հրապարակում

Հայտնի հնդիկ երգիչը տեսահոլովակ է նկարահանել Ստեփանակերտում

Նորաստեղծ կուսակցությունը մայրաքաղաքում գրասենյակ է բացել

Կտրականապես անընդունելի է Արցախը որևէ պետության մանդատի տրամադրելու հարցը. Էդմոն Մարուքյանը՝ Սամվել Բաբայանին

«Արարիչ» հիմնադրամի նախաձեռնությամբ մի խումբ ուսանողներ ճանաչողական այցով մեկնել են Մայր Հայաստան

Հայ դիրքապահները վնասազերծել են ՀՀ պետական սահմանը հատած ադրբեջանցուն

Բաքուն դիմում է միջազգային կազմակերպություններին՝ Հայաստանի սահմանն անցած քաղաքացուն վերադարձնելու համար

Արցախի ՊԲ ռազմական խորհրդի նիստ է անցկացվել

Search