Artsakhpress

Սպորտ

Արցախի մարզիկները մասնակցել են Աբխազիայի սամբոյի առաջնությանը

ԼՂՀ-ի 19 մարզիկներ սեպտեմբերի 26-30-ը մասնակցել են Աբխազիայի Սուխում քաղաքում տեղի ունեցած սամբոյի առաջնությանը:

Արցախի մարզիկները մասնակցել են Աբխազիայի սամբոյի առաջնությանը

Արցախի մարզիկները մասնակցել են Աբխազիայի սամբոյի առաջնությանը

ՍՏԵՓԱՆԱԿԵՐՏ, 6 հոկտեմբերի,  ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում տեղեկացրել է Արցախի սամբոյի թիմի մարզիչ Ազատ Անդրյանը  և հավելել, որ առաջնությունը անց էր կացվում չճանաչված պետությունների համար և կրում էր «Հաղթանակի գավաթ» անունը:

«Առաջնությանը մասնակցել են Ռուսաստանի Դաշնության Դոնեցկ, Լուգանսկ, Ղրիմ քաղաքների և Հարավայի Օսեթիայի, Աբխազիայի ու Արցախի թիմերը: Մեր մարզիկները հաջող ելույթներ են ունեցել, որի արդյունքում 7 հոգի գրավել են առաջին պատվավոր, 3-ը` երկրորդ և 5-ը երրորդ մրցանակային տեղերը»,- մասնավորապես ասել է Ա. Անդրյանը` ավելացնելով, որ առաջնությանը մասնակցում էին 10-16 տարեկան տարիքային խմբի մարզիկները:

Արցախի սամբոյի թիմի մարզիչը նաև նշել է, որ Արցախի մարզիկները երկրորդ անգամ են մասնակցել Աբխազիայում անցկացվող առաջնությանը:

Ստեփանակերտցի 11-ամյա Տիգրան Գրիգորյանը, ով մասնակցել ու առաջին մրցանակային տեղն է գրավել Աբխազիայի «Հաղթանակի գավաթ» անունը կրող առաջնությունում, մեզ հետ զրույցում նշել է, որ ցանկացած մրցաշարում բարձր  է  պահելու Արցախի անունը:

«Ես մասնակցել եմ նաև Երևանում և Ստեփանակերտում տեղի ունեցած տարբեր մրցումների: Սակայն Աբխազիայում անցկացված առաջնությունն ավելի կարևոր էր, որովհետև ես այնտեղ ներկայացնում էի Արցախը: Ուրախ եմ, որ հաղթել եմ այս առաջնությունում  և հուսով եմ, որ ապագայում ևս միմիայն չեմպիոն եմ դառնալու»,- ասել է Տ. Գրիգորյանը:

Իսկ 12-ամյա Հրաչ Սարգսյանը, ով նույնպես հաղթող է ճանաչվել   մրցաշարում, նշել է, որ արդեն 5 տարի է, ինչ զբաղվում է սամբոյով:

«Այս տարի ես 2-րդ անգամ եմ մասնակցել Աբխազիայում կայացած առաջնությանը: Մասնակցել եմ նաև Արցախում կայացած բաց առաջնությանը, ինչպես նաև Իջևանում տեղի ունեցած միջազգային մրցույթին: Ցանկանում եմ դառնալ աշխարհի և Եվրոպայի չեմպիոն ու բոլոր առաջնություններում ծածանել Արցախի դրոշը»,- հպարտությամբ ասել է Հ. Սարգսյանը:


     

Մշակույթ

Սպորտ

Սփյուռք

Ամենադիտված

ամիս

շաբաթ

օր

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Արցախցի մարզիկներն արժանացել են ոսկե մեդալների

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

WhatsApp-ում նոր գործառույթ է հայտնվել

Մեղադրանք է առաջադրվել Բարսեղ Բեգլարյանին

Search