Artsakhpress

Տնտեսական

Ստեփանակերտում ավարտվել են հողօգտագործողների վերապատրաստման դասընթացների առաջին փուլը

Գյուղատնտեսության զարգացման հայեցակարգի մշակման շրջանակներում ԼՂՀ գյուղատնտեսության նախարարությունում ավարտվել է հողօգտագործողների վերապատրաստման դասընթացների առաջին փուլը:

Ստեփանակերտում ավարտվել են հողօգտագործողների վերապատրաստման դասընթացների առաջին փուլը

Ստեփանակերտում ավարտվել են հողօգտագործողների վերապատրաստման դասընթացների առաջին փուլը

ՍՏԵՓԱՆԱԿԵՐՏ, 23 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում գյուղատնտեսության գիտությունների թեկնածու, բույսերի պաշտպանության մասնագետ Գևորգ Մելիքյանն ընդգծել է, որ գյուղատնտեսական թեմաներով դասախոսություններն ավելի են նպաստում, որ հողօգտագործները, մասնագիտական գիտելիքներ ձեռք բերելով, կարողանան այն իրագործել աշխատանքում:

«Դասախոսությունների համար մենք ընտրել ենք այնպիսի թեմաներ, որոնք հողօգտագործողներին ավելի է հետաքրքրում. դրանք առավել արդիական են և պրակտիկ:

Դրանց զուգահեռ հողօգտագործողներին տրամադրվում են նաև համապատասխան տեսական նյութեր ու մասնագիտական խորհուրդներ: Մասնակիցների հարցերը վերաբերում են տարբեր կլիմայական գոտիներում տարածված վնասատուների, հիվանդությունների, ինչպես նաև հողամշակման համար օգտագործվելիք պարարտանյութերի չափաբաժիններին: Հողօգտագործողներին հետաքրքրող բոլոր հարցերին համարժեք ու մատչելի պատասխաններ են տրվում:

Դասախոսություններին զուգահեռ ցուցադրվել են տեսանյութեր, գրաֆիկաներ, լուսանկարներ, որոնք ավելի հասկանալի ու մատչելի են դարձնում մատուցված թեմաները»,-ասել է Գ. Մելիքյանը և տեղեկացրել, որ առաջին փուլի մասնակիցները դասընթացների ժամանակ ստացած գիտելիքներից քննություններ են հանձնելու. որից հետո միայն նրանց տրվելու է համապատասխան վկայական:

«Առաջին փուլում վկայական չստացողներին կտրվի ժամանակ և հնարավորություն` նորից վերապատրաստվելու և քննություն հանձնելու,-բացատրել է Գ. Մելիքյանը և հավելել,-վերապատրաստման դասընթացների երկրորդ փուլը կսկսվի նոյեմբերի վերջին շաբաթից»:

Հայաստանի ազգային ագրարային համալսարանի (ՀԱԱՀ) Ստեփանակերտի մասնաճյուղի ագրարային արտադրության էկոնոմիկա և կառավարում բաժնի մագիստրատուրայի 2-րդ կուրսի ուսանող, դասընթացին մասնակից Արամ Վերդյանը, ով Մարտակերտի հարթավայրային շրջանում զբաղվում է հողագործությամբ` հացահատիկի մշակմամբ, ասել է. «Դասընթացը սերմնաբուծության, հողի մշակման, ոռոգման, բույսերի պաշտպանության, պարարտացման մասին տալիս է տեսական գիտելիքներ: Մեր ստացած նպատակային մասնագիտական գիտելիքները, հույս ունենք, կկարողանանք պրակտիկ աշխատանքում կիրառել»:

Դասընթացին մասնակից Սերգեյ Սաֆարյանն էլ, չնայած իր` գյուղատնտեսությամբ չզբաղվելուն, նշել է. «Այս դասընթացներն առիթ հանդիսացան ինձ` զբաղվելու գյուղատնտեսությամբ: Կարծում եմ` յուրաքանչյուր աշխատանք պետք է գրագետ ու ճիշտ կազմակերպել: Այս 10 օրերի ընթացքում մասնագետների կողմից մենք լուրջ գիտելիքներ ենք ստացել: Ստացած գիտելիքներս տարիների ընթացքում կկատարելագործեմ, կամբարեմ նոր գիտելիքներ ևս, որոնք հետագայում օգտագործելով, կնպաստեն ինձ` լավ ֆերմեր դառնալու:

Ես կարծում եմ, որ յուրաքանչյուր արցախցի պետք է զբաղվի գյուղատնտեսությամբ, առնչվի հողի հետ: Միայն գյուղատնտեսական գիտելիքներ ձեռք բերած հողօգտագործողը կարող է մեծ արդյունքի ու հաջողությունների հասնել»:




     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ադրբեջանի մշակութային ցեղասպանության հերթական զոհը Ալեք Մանուկյանի արձանն է Ստեփանակերտում

ՀՀ բանկերը դուրս են գրել արցախցիների գրեթե բոլոր վարկերը՝ դրանք փոխանցելով ֆիննախին

Արցախյան շարժման 36-ամյակի առթիվ Արցախի նախագահն ու մի շարք բարձրաստիճան պաշտոնյաներ այցելել են Եռաբլուր

Հարցուպատասխան Արտակ Բեգլարյանի հետ. Լեռնային Ղարաբաղի նախկին պետնախարարը քննարկում է իր հայրենի տարածքում տեղի ունեցած մարդու իրավունքների ճգնաժամը. National Journal

Սամվել Շահրամանյանին կանչել են Հայաստանի քննչական կոմիտե. փաստաբան

Ֆրանսիայում դատարանը կալանք է սահմանել Սամվել Կարապետյանի 120 միլիոն եվրո արժողությամբ վիլլայի նկատմամբ

Արցախի իշխանությունները ցավում են «24News.am»-ի ներկայացուցիչների մասնակցությամբ տեղի ունեցած միջադեպի համար

ԵԱՏՄ երկրների հետ ՀՀ առևտրաշրջանառությունն աճել է շուրջ 43 տոկոսով. ինչ է արտահանվել ու ներմուծվել

Երուսաղեմի հայերը դատարանում վիճարկում են «Կովերի պարտեզը» իսրայելական ընկերությանը հանձնելը

Search