Մինչդեռ շինությունը, որտեղ նախկինում տեղակայված է եղել Սուրբ Գրիգոր Լուսավորչի եկեղեցին, շուտով չի լինի, Մասաչուսեթսի Հեյվերհիլ քաղաքի իշխանությունները ցանկանում են երաշխավորել, որ այլ պատմական շինություններ մեկընդմիշտ չեն վերանա։
Մասաչուսեթսում հայկական եկեղեցու անխուսափելի քանդումը դարձել է այլ պատմական շենքերի պահպանման առիթ
ՍՏԵՓԱՆԱԿԵՐՏ, հունվարի 19, ԱՐՑԱԽՊՐԵՍ: Քաղաքային խորհուրդը միաձայն քվեարկել է քաղաքապետ Ջեյմս Ֆիորենտինիի կողմից հանձնաժողով կազմելու օգտին, որը կզբաղվի Մեյն սթրիթը պատմական շրջանի վերածելով, ինչի արդյունքում կկանխվի հետագայում շենքերի վաճառքն ու քանդումը։ Այս մասին հայտնում է Eagle Tribune-ը։ 3-7 հոգանոց հանձնաժողովը կկազմի քաղաքապետը, իսկ այնուհետև կազմը կհաստատվի խորհրդի կողմից և աջակցություն կստանա քաղաքի պատմական հանձնաժողովի կողմից։ Հանձնաժողովի ուշադրության կենտրոնում կլինի 8-9 շենքերի պահպանությունը։ Ամռանն այս հարցի շուրջ կայացած քվեարկությունը ձախողվել էր։ Նշվում է, որ հայկական եկեղեցու շենքի վաճառքի շուրջ վեճերը կենտրոնացած են լքված եկեղեցին քանդելու և այնտեղ Domino's Pizza-ի ֆրենչայզ կառուցելու պլանի շուրջ։
