Ադրբեջանում անչափահասների կողմից ինքնասպանության դեպքերը հաճախակի են դարձել:
Ադրբեջանում կրկին անչափահաս է ինքնասպան եղել
ՍՏԵՓԱՆԱԿԵՐՏ, հունվարի 19, ԱՐՑԱԽՊՐԵՍ-ԱՐՄԵՆՊՐԵՍ: Այս մասին, հայտնում է ադրբեջանական azadliq.org-ը:
Հունվարի 18-ին ինքնասպան է եղել Ադրբեջանի Շաբրանի շրջանի Դաշըյաթաք քաղաքի բնակիչ, 11- ամյա Էլնուր Մութալլիմովը: Ինքնասպանություն է տեղի ունեցել նաև Ադրբեջանի Գյանջա քաղաքում, մահացածը 27-ամյա բնակիչ Էլվին Ալլահվերդիևն է:
Ինքնասպանությունների պատճառները հայտնի չեն, երկու դեպքերի առթիվ հետաքննություն է ընթանում:
Վերջին 2 օրերի ընթացքում Ադրբեջանում գրանցվել է ինքնասպանության փորձի 8 դեպք:
Ադրբեջանական փորձագետները երկրում բավականին հաճախակի դարձած ինքնասպանության դեպքերը քննելու համար առաջարկում են ստեղծել անկախ կենտրոն:
Փորձագետների պնդմամբ՝ պետական մարմինները շատ դեպքերում թաքցնում են ինքասպանությունների իրական պատճառները, որոնք կապված են լինում նյութական և այլ դժվարությունների կամ պետության պատասխանատվության ներքո գտնվող այլ հանգամանքների հետ:
Ադրբեջանական ԶԼՄ-ների հրապարակումների հետազոտությունների համաձայն` ինքնասպանություններն Ադրբեջանում ավելի շատ տեղի են ունենում նյութական դժվարությունների պատճառով, որոնք տնտեսական ճգնաժամի ֆոնին ավելի են խորացել:
Ադրբեջանական մամուլի հրապարակումների համաձայն` 2017-ին ադրբեջանում գրանցվել է ինքնասպանության 27 դեպք, որից 4-ը կին, 1-ը` անչափահաս, ինասպանության փորձի 16 և ինքնահրկիզման փորձի 1 դեպք:
2017 թվականի սկզբից մինչև այժմ Ադրբեջանում մայրասպանության 1, հայրասպանության 1, հարազատների միմյանց սպանության 3, զավակի սպանության 5 դեպք է տեղի ունեցել:
