Artsakhpress

Քաղաքական

Հրապարակվել են հանրաքվեի վերջնական արդյունքները

Այսօր տեղի է ունեցել ԱՀ հանրաքվեի կենտրոնական հանձնաժողովի (ՀԿՀ) հերթական նիստը, որը վարում էր ՀԸՀ նախագահ Սրբուհի Արզումանյանը:

Հրապարակվել են հանրաքվեի վերջնական արդյունքները

Հրապարակվել են հանրաքվեի վերջնական արդյունքները

ՍՏԵՓԱՆԱԿԵՐՏ, փետրվարի 23, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նիստին փետրվարի 20-ի հանրաքվեի վերջնական՝ ամփոփիչ արդյունքների արձանագրությունը՝ 6 կողմ և 1 դեմ ձայների հարաբերակցությամբ հաստատելուց և ստորագրելուց հետո Ս. Արզումանյանը ներկայացրել է հանրաքվեի վերջնական տվյալները:

«Հանրաքվեին մասնակցելու իրավունք ունեցող քաղաքացիների ընդհանուր թիվն, ըստ ընտրացուցակների, կազմել է 103 հազար 818: Տեղամասային հանձնաժողովների ստացած քվեաթերթիկների թիվը եղել է 105 հազար 61, գրանցված և քվեաթերթիկ ստացած քաղաքացիների թիվն ըստ ստորագրությունների՝ 79 հազար 428, մարված, չօգտագործված, ոչ ճիշտ լրացված, վնասված և հետ վերադարձված քվեաթերթիկների թիվը՝ 25 հազար 633: Քվատուփում առկա սահմանված նմուշի քվեաթերթիկների ընդհանուր թիվը՝ 79 հազար 428, ընդ որում՝ վավեր քվեաթերթիկների թիվը՝ 77 հազար 256: «Կողմ» քվեարկածների թիվը կազմել է 69 հազար 750 կամ ընդհանուր քվերակածների 87.8 տոկոսը, «Դեմ»-ինը՝ 7686 կամ ընդհանուր քվեարկածների շուրջ 9.7 տոկոսը: Անվավեր քվեաթերթիկների թիվը կազմել է 2172. անճշտություններ չեն գրանցվել»,- ասել Ս. Արզումանյանը և նշել, որ Սահմանադրության հանրաքվեի անցկացման վերաբերյալ պաշտոնական բողոքներ չեն ստացել:

Ս. Արզումանյանի խոսքով՝ 2017 թվականի փետրվարի 20-ի Արցախի Հանրապետության Սահմանադրության նախագծի վերբերյալ հանրաքվեն կայացել է:

Արձանագրությանը միակ դեմ քվեարկած «Ազգային Վերածնունդ» կուսակցության ներկայացուցիչ Լուսինե Հակոբյանը, մեկնաբանելով իրենց որոշումը, նշել է, որ հանրաքվեի քվեարկությունից հետո ահազանգեր են ստացել՝ ըստ որոնց, տեղի են ունեցել բաց քվեարկության դեպքեր և այլ խախտումներ:

ԱՀ հանրաքվեի կենտրոնական հանձնաժողովի մամուլի կենտրոնի ղեկավար Երվանդ Հաջիյանը նշել է, որ ստեղծված են եղել բոլոր անհրաժեշտ պայմանները՝ դիտորդներին և լրագրողներին ըստ պատշաճի ընդունելու համար:

«Տարբեր երկրներից ժամանած միջազգային դիտորդական առաքելությունների կողմից 13 մամլո ասուլիսներ են անցկացվել: Բոլոր միջազգային դիտորդներին անվճար տրամադրվել են «Ղարաբաղ Տելեկոմ»-ի հեռախոսային քարտեր: Մամուլի կենտրոնի միջոցով Հայաստանից հրավիրվել են 20 լրագրողներ՝ 11 ԶԼՄ-ներից»,- ասել է Ե. Հաջիյանը:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Ծանր վիրավորում ստացած 21–ամյա Ագանիկ Զորոգլյանը գիտակցության է եկել

Հայտնի են «Վերջին զանգ»-ի առթիվ կայանալիք տոնական միջոցառումների օրերը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Քոչարյանի ազատությունը երաշխավորած Բակո Սահակյանը եւ Արկադի Ղուկասյանը հաստատել են. կգան դատարան

Search