Forbes-ը կազմել է «Պետպատվերի թագավորները-2017» վարկանիշային աղյուսակը:
Ռուբեն Վարդանյանը և Սերգեյ Համբարձումյանը՝ Forbes-ի «Պետպատվերի թագավորները» վարկանիշում
ՍՏԵՓԱՆԱԿԵՐՏ, մարտի 2, ԱՐՑԱԽՊՐԵՍ։ Թոփ-20 գործարարների թվում, որոնց ընկերություններն ամենահաճախն են հանդես գալիս պետական կապալառուների դերում, ներառվել են նաև Ռուբեն Վարդանյանը և Սերգեյ Համբարձումյանը:
Գործարար Ռուբեն Վարդանյանը վարկանիշային աղյուսակում զբաղեցրել է 9-րդ հորիզոնականը: Պարբերականի տվյալներով՝ Վարդանյանի կառույցների հիմնական պատվիրատուն և գործընկերը «Ռոսնեֆտ» ընկերությունն է: Պետական պատվերների գումարը կազմել է 57.4 միլիարդ ռուբլի:
«ՄոնԱրխ» ընկերությունների խմբի սեփականատեր Սերգեյ Համբարձումյանը գտնվում է վարկանիշի 20-րդ հորիզոնականում: Նրա հիմնական կապալառուներն են Մոսկվայի կառավարական կառույցները և Դաշնային հարկային ծառայությունը: Ընկերության պետպատվերների գումարը կազմել է 22.9 միլիարդ ռուբլի: