Artsakhpress

Տնտեսական

Անասնապահերի ու անասնաբույժերի հետ քննարկվել են ոլորտին առնչվող խնդիրներ

Այսօր Արցախի Հանրապետության գյուղատնտեսության նախարարությունում հանրապետության անասնապահերի ու անասնաբույժերի հետ քննարկվել են ոլորտին առնչվող խնդիրներ:

Անասնապահերի ու անասնաբույժերի հետ քննարկվել են ոլորտին առնչվող խնդիրներ

Անասնապահերի ու անասնաբույժերի հետ քննարկվել են ոլորտին առնչվող խնդիրներ

ՍՏԵՓԱՆԱԿԵՐՏ, մարտի 14, ԱՐՑԱԽՊՐԵՍ: «Արցախպրես»-ի հաղորդմամբ՝ հանդիպման ժամանակ ԱՀ գյուղատնտեսության նախարար Արամ Մխոյանն ասել է, որ ոլորտում կատարվելիք փոփոխությունները շատ կարևոր են ինչպես անասնապահության զարգացման, այնպես էլ սննդի անվտանգության հարցում:

«Մենք պարտավոր ենք ապահովել սպառողին անասնամթերքի որակյալ, անվտանգ մատակարարումը: Դրա համար կատարվելիք փոփոխությունները նաև պարտադիր են անասնապահների համար: Նրանք, ովքեր սրսկումների ժամանակ կխոչընդոտեն անասնաբույժի աշխատանքներին՝ կզրկվեն մեր կողմից ցուցաբերվող աջակցությունից»,- հավելել է Ա. Մխոյանը:

Հանդիպմանը ներկա էր նաև բժիշկ, անասնաբույժ Տիգրան Հակոբյանը, ով արդեն 4 տարի է, ինչ մասնագիտական գործունեություն է ծավալում ՀՀ-ում:

«Արցախի մի քանի շրջաններում ես արդեն որոշակի անասնաբուժական ծառայություններ եմ մատուցել. պատկերացում ունեմ երկրի անասնապահության ոլորտի իրավիճակից: Պետք է հիշել, որ առաջին անասնաբույժը համարվում է հենց անասնապահը և հենց անասնապահի հետ էլ պետք է սկսել բացատրական աշխատանքերը՝ նրանց ուղորդել դեպի զուտ մասնագիտական գիտելիքներ»,- ասել է Տ. Հակոբյանը և հավելել, որ չնայած ինքը գոհ է Արցախում կատարվող հակահամաճարակաբանական աշխատանքներից, բայց, այնուամենայնիվ, այդ ոլորտում դեռևս կատարվելիք աշխատանքներ կան:

Տիգրան Հակոբյանը նաև հորդորել է անասնապահներին, որ չխոչընդոտեն անասնաբույժներին՝ կատարելու համար իրենց աշխատանքները:

«Երկրում պետական միջոցներով պատրաստ է անհապաղ կատարել պլանային ճիճվաթափում: Այդժամ մենք վստահ կլինենք, որ մոտական տարիներին մեր անասուններին զերծ կպահենք ամեն տեսակի հիվանդություններից: Մեր պլանային աշխատանքներում անասնաբույժն-անասնապահ կապն ավելի ենք ամրապնդելու: Հատուկ ցուցակների համաձայն՝ անասնապահը ներկայացնելու է իր անասուններին՝ համապատասխան պրոֆիլակտիկ աշխատանքներ կատարելու համար: Մեր կողմից անասնապահներին տրամադրվելու է հեռախոսահամարներ՝ հետադարձ կապն ապահովելու համար»,- հավելել է անասնաբույժը:

Հանդիպման ավարտին ներկաների հուզող հարցերն պատասխանել են գյուղատնտեսության նախարարն ու ՀՀ մասնագետը, լսել նրանց առաջարկությունները:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Search