Artsakhpress

Սփյուռք

Հանրաքվեի արդյունքում ունենք ավելի դժվար կառավարելի Թուրքիա. Մահչուփյան

Թուրքիայում ապրիլի 16-ի հանրաքվեի արդյունքներով ընդունված սահմանադրական փոփոխությունները պետությունը տանում են մի ճանապարհով, որով երկիրը շատ դժվար է լինելու կառավարել:

Հանրաքվեի արդյունքում ունենք ավելի դժվար կառավարելի Թուրքիա. Մահչուփյան

Հանրաքվեի արդյունքում ունենք ավելի դժվար կառավարելի Թուրքիա. Մահչուփյան

ՍՏԵՓԱՆԱԿԵՐՏ, 17 ապրիլի, ԱՐՑԱԽՊՐԵՍ-ԱՐՄԵՆՊՐԵՍ: Al Jazeera-ին տված հարցազրույցում նման կարծիք է հայտնել պոլսահայ մտավորական, Ահմեդ Դավութօղլուի վարչապետության օրոք նրա գլխավոր խորհրդական Էթյեն Մահչուփյանը:

«Սահմանադրական փոփոխությունների առաջարկը ներկայացնող երկու կուսակցությունները («Արդարություն և զարգացում» ու «Ազգայնական շարժում» կուսակցությունները - խմբ.) համատեղ շուրջ 63 տոկոս ձայն ունեն, սակայն այս հանրաքվեով կարողացան ստանալ ընդամենը 51 տոկոս: ԱԶԿ-ԱՇԿ կոալիցիան ցանկալի արդյունք չկարողացավ տալ: Նրանք երեք խոշոր քաղաք կորցրեցին: Այս ամենը մեզ տանում է դեպի դժվար կառավարվող Թուրքիա»,- նշել է Մահչուփյանը:

Նա ընդգծել է, որ մի կողմից իրենք ունենալու են բոլոր լիազորություններն իր ձեռքում պահող, հետևաբար ողջ պատասխանատվությունը միայնակ կրող մի անձ ու նրա շուրջ ձևավորված կառավարություն՝ այնպիսի մի համակարգ, որը կարևոր ազդեցություն կունենա թե՛ դատական, թե՛ օրենսդիր համակարգերի վրա:

«Այս իրավիճակը, եթե անկեղծ խոսենք, խելամիտ չի թվում: Քաղաքական տեսանկյունից դիտարկելիս տեսնում ենք, որ Թուրքիայում խոհեմության կորուստ ենք ապրել: Մտահոգ եմ, որ այս ամենը կունենա բացասական հետևանքներ, որոնք Թուրքիան չի կարողանա հեշտությամբ վերացնել: Դրանց վերականգնումը շատ երկար ժամանակ կարող է պահանջել»,- նշել է մտավորականը:

Մահչուփյանն անդրադարձել է նաև հանրաքվեի արդյունքում գրանցված մոտ արդյունքներին` նշելով, որ սահմանադրական փոփոխությունների համար 50 տոկոսից մի քիչ ավել ունենալը բավարար չի կարող համարվել: «Մենք փոխում ենք խաղի կանոնները, իսկ հասարակության կեսը այդ կանոններով չի ցանկանում խաղալ: Այդ մյուս կեսին ինչ-որ բան պարտադրելը խիստ ծանր հասարակական և քաղաքական հետևանքներ կունենա»,- ասել է նա:

Մտավորականը հանրաքվեի արդյունքները դրական է գնահատել «Ազգայնական շարժում» կուսակցության համար` նշելով, որ նա վերածվել է իշխող կուսակցության կարևոր գործընկերոջ: «Այսուհետ «Արդարություն և զարգացում» կուսակցությունը ցույց կտա, որ դատապարտված է ԱՇԿ-ին: ԱՇԿ-ն այս գործում հաղթող դուրս եկավ: ԱԶԿ-ն կորցրեց, քանի որ այն, ինչ կարող էր անել միայնակ, ուրիշի հետ արեց: ԱԶԿ-ն պետք է դաս քաղի կատարվածից: Որպես մեկը, ով ի սկզբանե և այս պահին նույնպես աջակցում է ԱԶԿ-ին, ասում եմ, որ դա կուսակցության մինչ օրս արած ամենամեծ սխալն էր»,- հայտարարել է Մահչուփյանը:


     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search